മോട്ടോർ ഷെഡ്ഡിൽ യുവാവ് തൂങ്ങി മരിച്ച നിലയിൽ

ആലപ്പുഴ : ചെന്നിത്തലയിൽ പാടശേഖരത്തിന്‍റെ മോട്ടോർ ഷെഡ്ഡിൽ യുവാവിനെ തൂങ്ങി മരിച്ച നിലയിൽ കണ്ടെത്തി. സംഭവത്തിൽ ചെന്നിത്തല തൃപ്പെരുന്തുറ പടിഞ്ഞാറ് തോണ്ടുതറയിൽ രാഹുൽ (31) ആണ് മരിച്ചത്. ചെന്നിത്തല മൂന്നാം ബ്ലോക്ക് പാടശേഖരത്തിന്റെ മോട്ടോർപുരയിലാണ് രാഹുലിനെ തൂങ്ങി മരിച്ച നിലയിൽ കണ്ടെത്തിയത്. മാവേലിക്കര എഫ്.സി.ഐ ഗോഡൗൺ ജീവനക്കാരനായിരുന്നു രാഹുൽ.

കഴിഞ്ഞ ദിവസം രാവിലെ ആറു മണിയോടെ പ്രഭാത സവാരിക്കിറങ്ങിയവരാണ് രാഹുലിനെ തൂങ്ങി മരിച്ച നിലയിൽ കണ്ടെത്തിയത്. ഭാര്യ: ആതിര. മക്കൾ: അതുല്യ, ആദവ്. സംഭവത്തിൽ മാന്നാർ പൊലീസ് സ്ഥലത്തെത്തി മേൽനടപടികൾ സ്വീകരിച്ച മൃതദേഹം പോസ്റ്റ്മോർട്ടത്തിനുശേഷം രാഹുലിനെ വീട്ടുവളപ്പിൽ സംസ്കരിച്ചു.