തിരുവനന്തപുരം: പാലക്കാട് ഉപതെരഞ്ഞടെുപ്പിൽ വിജയിച്ച യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലും ചേലക്കര ഉപതെരഞ്ഞെടുപ്പിൽ തിരഞ്ഞെടുക്കപ്പെട്ട യു ആർ പ്രദീപും ഇന്ന് സത്യപ്രതിജ്ഞ ചെയ്തു. ശങ്കരനാരായണൻ തമ്പി ഹാളിലായിരുന്നു ചടങ്ങ്. സ്പീക്കർ എഎൻ ഷംസീർ സത്യവാചകം ചൊല്ലിക്കൊടുത്തു. ചേലക്കരയിൽ കെ രാധാകൃഷ്ണനും പാലക്കാട് ഷാഫി പറമ്പിലും ലോക്സഭാ തിരഞ്ഞെടുപ്പിൽ ജയിച്ചതിന് പിന്നാലെയാണ് ഉപതിരഞ്ഞെടുപ്പ് നടത്തിയത്.
ചേലക്കരയിൽ യു ആർ പ്രദീപ് 12,201 വോട്ടുകളുടെ ഭൂരിപക്ഷത്തിലാണ് വിജയിച്ചത്. പാലക്കാട് 18724 വോട്ടുകള്‍ക്കാണ് രാഹുല്‍ മാങ്കൂട്ടത്തിലിന്റെ ജയം.
രാഹുലിൻ്റെ സത്യപ്രതിജ്ഞാ ചടങ്ങ് ആഘോഷമാക്കുന്നതിന് പിന്നലെ രാഹുലിന് വൻ സ്വീകരണമാണ് യൂത്ത് കോൺഗ്രസ് ഒരുക്കുക. രാഹുലിൻ്റെ സത്യപ്രതിജ്ഞാ ചടങ്ങിൽ സന്ദീപ് വാര്യരും പങ്കെടുത്തു.
