കണ്ണമംഗലത്ത് യുവാവിനെ മരിച്ച നിലയിൽ കണ്ടെത്തി

മലപ്പുറം: കണ്ണമംഗലത്ത് യുവാവിനെ മരിച്ച നിലയിൽ കണ്ടെത്തി. കക്കാട് ചുള്ളിപ്പാറ സ്വദേശി തരി പറമ്പിൽ യാഹുവിന്റെ മകൻ ഫായിസ് (26) ആണ് മരിച്ചത്. ചെറുപ്പടി മലയിലേക്ക് പോകുന്ന വഴിയിൽ വട്ടപ്പൊന്ത ചേരേക്കാടാണ് സംഭവം. പെയിന്റിം​ഗ് തൊഴിലാളിണ് ഫായിസ്. ഫായിസ് സഞ്ചരിച്ച ബൈക്ക് താഴേക്ക് മറിഞ്ഞാണ് അപകടമുണ്ടാവുകയായിരുന്നു എന്നാണ് നി​ഗമനം. അതുപോലെ മൃതദേഹം കണ്ടെത്തിയ സ്ഥലത്തിന് സമീപത്ത് നിന്നും ബൈക്കും കണ്ടെത്തി. ഇന്നലെ രാത്രിയാണ് ഫായിസ് വീട്ടിൽ നിന്നും പോയത്. എപ്പോഴാണ് സംഭവമെന്ന് വ്യക്തതയില്ല. രാവിലെ നാട്ടുകാരാണ് മൃതദേഹം കണ്ടത്. വേങ്ങര പോലീസ് സ്ഥലത്തെത്തി തുടർ നടപടികൾ സ്വീകരിച്ചു.