യുവാവിനെ വീട്ടിൽ നിന്ന് വിളിച്ചിറക്കി കുത്തിക്കൊന്നു ; അയൽവാസികളായ മൂന്നുപേർ കസ്റ്റഡിയിൽ
തിരുവനന്തപുരം: നെടുമങ്ങാട് യുവാവിനെ വീട്ടിൽ നിന്ന് വിളിച്ചിറക്കി കുത്തിക്കൊന്നു. കരകുളം നെടുമ്പാറ സ്വദേശി സാജനാണ് (34) മരിച്ചത്. ഇന്നലെ രാത്രി എട്ടരയോടെയായിരുന്നു സംഭവം. സംഭവത്തിൽ അയൽവാസികളായ മൂന്നുപേരെ പൊലീസ് കസ്റ്റഡിയിലെടുത്തു.
അയൽവാസിയായ ജിതിന്റെ ഭാര്യയോട് സാജൻ മോശമായി പെരുമാറിയത് ചോദ്യം ചെയ്യാൻ എത്തിയതാണ് ജിതിനും രണ്ടു സുഹൃത്തുക്കളും. ഇതിനിടയിലാണ് കുത്തേറ്റത്. ആശുപത്രിയിൽ പ്രവേശിപ്പിച്ചെങ്കിലും രാവിലെ ആറരയോടെ സാജൻ മരിക്കുകയായിരുന്നു. നിരവധി കേസുകളിലെ പ്രതിയാണ് സാജൻ.
