സെപ്റ്റിക് ടാങ്കില് വീണ് യുവാവിന് ദാരുണാന്ത്യം
പാലക്കാട്: കോങ്ങാട് സെപ്റ്റിക് ടാങ്കില് വീണ് യുവാവിന് ദാരുണാന്ത്യം. സംഭവത്തിൽ പന്നിക്കോട് സ്വദേശി സുനിത്താണ് മരിച്ചത്. ഇന്നലെ ആളൊഴിഞ്ഞ വീടിൻ്റെ സെപ്റ്റിക് ടാങ്കിൻ്റെ സ്ലാബ് തകര്ന്നാണ് അപകടമുണ്ടായത്.
ആടിന് നല്കാന് പ്ലാവില എടുക്കുന്നതിനായാണ് ഇയാള് ആളൊഴിഞ്ഞ വീട്ടിലെ പ്ലാവില് കയറാന് ശ്രമിച്ചത്. ഇതിനായി ഇയാള് സ്ലാബില് ചവിട്ടുകയായിരുന്നു. ഉടൻ സ്ലാബ് തകരുകയും യുവാവ് സെപ്റ്റിക് ടാങ്കില് അകപ്പെടുകയുമായിരുന്നു.
യുവാവിനെ ഏറെനേരമായി കാണാതായതോടെ നാട്ടുകാരും ബന്ധുക്കളും വ്യാപക അന്വേഷണം നടത്തി. ഇന്ന് രാവിലെയോടെയാണ് മൃതദേഹം സെപ്റ്റിക് ടാങ്കില് നിന്നും കണ്ടെടുത്തത്. മൃതദേഹം പാലക്കാട് ജില്ലാ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. പോസ്റ്റ്മോര്ട്ടം നടപടികള്ക്ക് ശേഷം മൃതദേഹം ബന്ധുക്കള്ക്ക് വിട്ടുനല്കും.
