കാറിന് തീ പിടിച്ച് യുവാവും യുവതിയും വെന്തുമരിച്ചു
ഹൈദരാബാദ് : ഖട്കേസറിൽ കാറിന് തീ പിടിച്ച് യുവാവും യുവതിയും വെന്തുമരിച്ചു. മെഡ്ചാൽ ഖട്കേസറിലെ ഒആർആർ സർവീസ് റോഡിൽ ഇന്നലെ ഉച്ചയ്ക്കാണ് അപകടം ഉണ്ടായത്. ഹൈദരാബാദ് സ്വദേശി ശ്രീറാമും (26) ഒരു സ്ത്രീയുമാണ് മരിച്ചത്. ഇവരുടെ വിവരങ്ങൾ വ്യക്തമല്ല. മൃതദേഹം തിരിച്ചറിയാനാവാത്ത നിലയിലാണ് ഉണ്ടായിരുന്നത്. ഓടിക്കൊണ്ടിരിക്കെ കാറിന് തീപിടിക്കുകയായിരുന്നു. തീപിടിത്തത്തിന്റെ കാരണം പൊലീസ് പരിശോധിക്കുകയാണ്. കാറിൽ കുടുങ്ങിയ ഇരുവർക്കും പുറത്തിറങ്ങി രക്ഷപ്പെടാനായില്ല.
