നൃത്തം ചെയ്യുന്നതിനിടെ വേദിയിൽ കുഴഞ്ഞു വീണ് യുവതി മരിച്ചു
ഭോപ്പാൽ: ബന്ധുവിൻ്റെ വിവാഹ ചടങ്ങിൽ നൃത്തം ചെയ്യുന്നതിനിടെ വേദിയിൽ കുഴഞ്ഞു വീണ് യുവതി മരിച്ചു. മദ്ധ്യപ്രദേശിലെ വിധിഷ ജില്ലയിലാണ് സംഭവം നടന്നത്. യുവതി വേദിയിൽ കുഴഞ്ഞ് വീഴുന്ന ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചു.
കഴിഞ്ഞ ദിവസമാണ് ബന്ധുവിൻ്റെ കല്ല്യാണം കൂടാനായി യുവതി ഇൻഡോറിൽ നിന്ന് വിധിഷയിലെത്തിയത്. വിവാഹ തലേദിവസം നടന്ന പരിപാടിയിൽ യുവതി നൃത്തം ചെയ്യാനായി വേദിയിൽ കയറുകയും. നൃത്തത്തിനിടയിൽ ദേഹാസ്വസ്ഥ്യം അനുഭവപ്പെട്ട യുവതി സെക്കൻ്റുകൾക്കിടിയിൽ മുന്നിലേക്ക് വീഴുകയുമായിരുന്നു. പിന്നാലെ യുവതിയെ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. ആശുപത്രിയിലെത്തുന്നതിന് മുൻപ് തന്നെ യുവതി മരിച്ചിരുന്നു എന്നാണ് ഡോക്ടർമാർ പറയുന്നത്. മരണകാരണം ഹൃദയാഘാതമാണെന്ന് പ്രാഥമിക നിഗമനത്തിൽ പറയുന്നു.
