ഒരു ബന്ധം ഡിവോഴ്സിലേയ്ക്ക് എത്തുന്നത് എപ്പോള്..?
ദാമ്പത്യത്തില് ഉണ്ടാകുന്ന ചില പ്രധാന പ്രശ്നങ്ങളാണ് പലപ്പോഴും ദാമ്പത്യത്തിന്റെ തകര്ച്ചയിലേയ്ക്കും അതുപോലെ, ഡിവോഴ്സിലേയ്ക്കും നയിക്കുന്നത്. അത് എന്തെല്ലാമെന്ന് നോക്കാം.
ഒരു ബന്ധം കഷ്ടപ്പെട്ട് നീട്ടി വലിച്ച് കൊണ്ടുപോകുന്നതില് യാതൊരു അര്ത്ഥവും ഇല്ല. വിവാഹ ബന്ധത്തില് ഭാര്യയും ഭര്ത്താവും തമ്മില് ഒരു സ്നേഹവും പരസ്പര ധാരണയും അനിവാര്യമാണ്. എന്നാല്, പലപ്പോഴും ഇത്തരത്തില് ഒരു അടിത്തറ പടുത്തുയര്ത്താന് ദമ്പതികള്ക്ക് സാധിക്കാത്തിടത്താണ് ഒരു ബന്ധം തകരുന്നത്. ഇത്തരത്തില് ബന്ധങ്ങള് വേഗത്തില് ഡിവോഴ്സിലേയ്ക്ക് എത്തുന്നതിന് പിന്നിലെ പ്രധാന കാരണങ്ങള് എന്തെല്ലാമെന്ന് നോക്കാം.
*വേര്തിരിവും താരതമ്യവും:
നമ്മള്ക്ക് സ്കൂളില് പഠിക്കുമ്പോള് നമ്മളോട് വേര്തിരിവ് കാണിക്കുന്നതും അതുപോലെ നമ്മളെ മറ്റുള്ളവരുമായി താരതമ്യപ്പെടുത്തുന്നതും പലപ്പോഴും ഇഷ്ടപ്പെടാറില്ല. അതുപോലെ തന്നെ ദാമ്പത്യത്തിലും ഈ വേര്തിരിവും താരതമ്യപ്പെടുത്തലും വന്നാല് അത് വിവാഹബന്ധത്തിന് ദോഷം ചെയ്യുന്നുണ്ട്. നിങ്ങള് നിങ്ങളുടെ ഭാര്യയെ അല്ലെങ്കില് ഭര്ത്താവിനെ ഒരിക്കലും വേര്തിരിച്ച് കാണാന് പാടില്ല. അതുപോലെ തന്നെ മറ്റുള്ളവരുമായോ, അല്ലെങ്കില് നിങ്ങളുടെ സുഹൃത്തുക്കളുടെ പങ്കാളികളുമായി താരതമ്യം ചെയ്യുന്നത് ഒട്ടും നല്ലതല്ല. ഇത് പങ്കാളിയില് അതൃപ്തി ഉണ്ടാകുന്നതിന് കാരണമാകുന്നു. ഇത് പതിയെ ബന്ധത്തില് അതൃപ്തിക്കുറവും അത് പിന്നീട് ഡിവോഴ്സിലേയ്ക്കും നയിക്കുന്നു.
*പരസ്പരം മനസ്സിലാക്കാത്തത്:
പരസ്പരം മനസ്സിലാക്കി പെരുമാറാന് സാധിക്കുന്നിടത്ത് നല്ല ഹെല്ത്തി റിലേഷന്ഷിപ്പ് വളര്ത്താന് നമ്മള്ക്ക് സാധിക്കുന്നുണ്ട്. എന്നാല് നിങ്ങളുടെ ഇഷ്ടങ്ങള് മനസ്സിലാക്കാത്ത, അതുപോലെ, നിങ്ങളെ ഒട്ടും അംഗീകരിക്കാത്ത ഒരു പങ്കാളിയാണ് ഒപ്പം ഉള്ളതെങ്കില് അത് ഒരു പ്രശ്നം തന്നെയാണ്.
നിങ്ങളുമായി യാതൊരു കാര്യവും ഷെയര് ചെയ്യാത്തതും നിങ്ങള് കൃത്യമായ രീതിയില് സംസാരിച്ച് കാര്യങ്ങള് മനസ്സിലാക്കാത്തത് സത്യത്തില് നിങ്ങളുടെ ദാമ്പത്യത്തെ കാര്യമായി ബാധിക്കും. അതുപോലെ തന്നെ ഇത് ഡിവോഴ്സിലേയ്ക്കും നിരവധി ദാമ്പത്യ പ്രശ്നങ്ങളും അസ്വസ്ഥതകളും നിങ്ങളുടെ ജീവിതത്തില് വരുന്നതിനും ഇത് കാരണമാണ്.
*അമിതമായിട്ടുള്ള പ്രതീക്ഷകള്:
പ്രതീക്ഷകളാണ് മനുഷ്യനെ ജീവിക്കാന് പ്രേരിപ്പിക്കുന്നത്. അതുപോലെ തന്നെ ജീവിതത്തില് ഉണ്ടാകുന്ന അമിതമായിട്ടുള്ള പ്രതീക്ഷകള് തന്നെയാണ് ഓരോരുത്തരുടേയും ജീവിതത്തില് പ്രശ്നങ്ങള് ഉണ്ടാക്കുന്നതും. നിങ്ങള് നിങ്ങളുടെ പങ്കാളിയുടെ മേല് അമിതമായിട്ടുള്ള പ്രതീക്ഷകളുടെ ഭാരം കെട്ടിവെക്കാതിരിക്കാന് ശ്രദ്ധിക്കേണ്ടത് അനിവാര്യമാണ്. നിങ്ങളുടെ പങ്കാളി എങ്ങിനെയാണോ അതുപോലെ അംഗീകരിക്കാന് നിങ്ങളും ശ്രമിക്കണം. എന്നാല് മാത്രമാണ് നല്ല ദാമ്പത്യം നിങ്ങള്ക്ക് മുന്നോട്ട് കൊണ്ട് പോകുവാന് സാധിക്കുക. ആരും പരസ്പരം അമിതമായിട്ടുള്ള പ്രതീക്ഷകള് വെക്കാതെ പങ്കാളിയെ സമീപിക്കുക.അവരെ അറിയാന് ശ്രമിക്കുക. നല്ല ഹെല്ത്തിയായിട്ടുള്ള അന്തരീക്ഷം സൃഷ്ടിക്കാന് ശ്രമിക്കുക. പരസ്പരം കേള്ക്കുക. അഭിപ്രായങ്ങള് പറയുക. ഇത്തരത്തില് നല്ലൊരു ബന്ധം നിലനിര്ത്താന് സാധിച്ചാല് അവിടെ സമാധാനവും സന്തോഷവും പതിയെ വളര്ത്താന് നിങ്ങള്ക്ക് സാധിക്കുന്നതാണ്.
*വില കുറച്ച് കാണുന്നത്:
പങ്കാളികള് പരസ്പരം വില കുറച്ച് കാണുന്നത് വലിയൊരു പ്രശ്നം തന്നെയാണ്. ചിലര് ഭാര്യമാര് ഭര്ത്താക്കന്മാര്ക്ക് എല്ലാം ചെയ്ത് കൊടുക്കണം എന്ന് വിശ്വസിക്കുന്നവരുണ്ട്. മറ്റ് ചിലര് ഭര്ത്താക്കന്മാര് ഈ കാര്യങ്ങള് ചെയ്യണം, ഭാര്യയ്ക്ക് ചെലവ് കൊടുത്ത് നോക്കണം എന്ന് വിചാരിക്കുന്നവരും അതിന്റെ പേരില് വഴക്കിടുന്നവരും ഉണ്ട്. ഇതെല്ലാം സത്യത്തില് പ്രശ്നങ്ങളിലേയ്ക്ക് നയിക്കും. ഭാര്യയായാലും ഭര്ത്താവായാലും പരസ്പരം അമിതമായി ആശ്രയിക്കാതെ സ്വന്തം കാലില് നില്ക്കാന് പഠിക്കുന്നത് നല്ലതാണ്. ഇത് നല്ല ദാമ്പത്യത്തിനും നല്ലതാണ്.
*സാമ്പത്തിക പ്രശ്നങ്ങള്:
ദാമ്പത്യത്തില് ഉണ്ടാകുന്ന ദാമ്പത്യ പ്രശ്നങ്ങള് ഒരു വലിയ പ്രശ്നം തന്നെയാണ്. ചിലപ്പോള് ഒരാളുടെ സാലറിയില് മാത്രമായിരിക്കും ഒരു കുടുംബം ഓടുന്നത്. ഇത് ജോലി ചെയ്യുന്ന ആള്ക്ക് വലിയൊരു ബാധ്യത തന്നെയാണ്. ഇത് അവരില് മാനസിക സമ്മര്ദ്ദം ഉണ്ടാക്കുന്നുണ്ട്. അതിനാല്, രണ്ട് കൂട്ടര്ക്കും ജോലി ഉണ്ടാകുന്നത് നല്ലതാണ്. ചിലര് ജോലി ഇല്ലാത്തതിന്റെ പേരില് പഴി കേള്ക്കേണ്ടി വരുന്നതും ദാമ്പത്യ പ്രശ്നങ്ങളിലേയ്ക്ക് നയിക്കും. അതുപോലെ, പരസ്പരം കണക്കുകള് പറഞ്ഞ് തുടങ്ങുന്നതും ദാമ്പത്യ പ്രശ്നങ്ങള്ക്ക് കാരണമാണ്. ഇതെല്ലാം തന്നെ മടുപ്പ് വളര്ത്തുകയും അതുപോലെ, ഇത് ഡിവോഴ്സിലേയ്ക്ക് നയിക്കുകയും ചെയ്യുന്നു.
