മണ്ണാർക്കാട് രണ്ട് വാഹനാപകടം ; 6 പേർക്ക് പരിക്ക്

പാലക്കാട്: മണ്ണാർക്കാട് ഉണ്ടായ രണ്ട് വാഹനാപകടങ്ങളിൽ 6 പേർക്ക് പരിക്കേറ്റു. ദേശീയപാതയിൽ മുക്കണ്ണത്തും കുന്തിപ്പുഴയിലുമാണ് വാഹനാപകടം ഉണ്ടായിരിക്കുന്നത്. മുക്കണ്ണത്ത് ബൈക്കും ഓട്ടോറിക്ഷയും കൂട്ടിയിടിച്ചുണ്ടായ അപകടത്തിൽ നാല് പേർക്ക് പരിക്കേറ്റു. അതിൽ ഒരാളുടെ പരിക്ക് ഗുരുതരമാണ്. ദേശീയപാത കുന്തിപ്പുഴ ഭാഗത്ത് ബൈക്കും കാറും ഇടിച്ച് അപകടം. രണ്ട് പേർക്ക് പരിക്കേറ്റു. രാത്രി പത്തരയ്ക്ക് ശേഷമാണ് സംഭവം. പരിക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചു.