വേങ്ങര : കോട്ടക്കൽ – വേങ്ങര റോഡിൽ പാലാണിക്കു സമീപം പിക്കപ്പ് ബൈക്കിൽ ഇടിച്ച് അപകടം. രണ്ട് യുവാക്കൾക്ക് ദാരുണാന്ത്യം. സംഭവത്തിൽ ഇരിങ്ങല്ലൂർ കുറ്റിത്തറമ്മൽ കുറുഞ്ഞിക്കാട്ടിൽ ശരത് (20), കോട്ടക്കൽ വെസ്റ്റ് വില്ലൂർ കൈതവളപ്പിൽ മുഹമ്മദ് ജാസിം അലി (19 ) എന്നിവരാണ് മരിച്ചത്.
ബുധൻ രാത്രി 10.30 നാണ് അപകടം ഉണ്ടായത്. പാലാണി വൈദ്യർ പടിയിൽ കല്ലക്കയം റോഡിൽ യുവാക്കൾ ബൈക്ക് ഓടിച്ചുവരവെ അമിത വേഗതയിൽ വന്ന പിക് അപ്പ് ഇടിക്കുകയായിരുന്നു. ഇരുവരും സംഭവസ്ഥലത്തുതന്നെ മരിച്ചു. മൃതദേഹം കോട്ടക്കലിലെ സ്വകാര്യ ആശുപത്രിയിൽ സൂക്ഷിച്ചിരിക്കുകയാണ്.
