കെഎസ്ആര്ടിസി ബസ് അപകടത്തില്പ്പെട്ട് രണ്ട് പേര്ക്ക് പരിക്ക്

കോഴിക്കോട്: താമരശ്ശേരി കൈതപ്പൊയിലില് കെഎസ്ആര്ടിസി ബസ് അപകടത്തില്പ്പെട്ട് രണ്ട് പേര്ക്ക് പരിക്ക്. വയനാട്ടില് നിന്ന് കോഴിക്കോട്ടേക്ക് വരികയായിരുന്ന കെഎസ്ആര്ടിസി ബസാണ് അപകടത്തിൽ പെട്ടത്. കഴിഞ്ഞ ദിവസം ഉച്ചക്ക് 2.30ഓടെയാണ് സംഭവം.
അപകടത്തിൽ ബസ് യാത്രക്കാരായ വയനാട് മാനന്തവാടി സ്വദേശി ശ്രീധരന്, മാലോര് സ്വദേശിനി ആശിഷാ ബീവി എന്നിവര്ക്കാണ് പരിക്കേറ്റിരിക്കുന്നത്. ഇവരുടെ പരിക്ക് സാരമുള്ളതല്ല. ഇരുവരെയും സ്വകാര്യ ആശുപത്രിയില് എത്തിച്ച് പ്രാഥമിക ചികിത്സ നല്കി ഡിസ്ചാര്ജ്ജ് ചെയ്തു.
ബ്രേക്ക് നഷ്ടമായതിനെ തുടര്ന്ന് കെ എസ് ആർ ടി സി ബസ് മുന്പില് പോയിരുന്ന മിനി ലോറിയുടെ പിറകില് ഇടിക്കുകയും. ഇടിയുടെ ആഘാതത്തില് നിയന്ത്രണം വിട്ട ലോറി എതിരെ വരികയായിരുന്ന ഓട്ടോയില് ഇടിക്കുകയായിരുന്നു. ഈ വാഹനങ്ങളില് ഉണ്ടായിരുന്നവര് പരിക്കേല്ക്കാതെ രക്ഷപ്പെട്ടു.