മുഖ്യമന്ത്രി രാജിവെക്കണം; വി.ഡി സതീശൻ
തിരുവനന്തപുരം: മാസപ്പടി കേസില്‍ മുഖ്യമന്ത്രിയുടെ മകള്‍ വീണാ വിജയനെ പ്രതി ചേര്‍ത്ത് എസ്എഫ്‌ഐഒ. സേവനം നല്‍കാതെ പ്രതിഫലം കൈപ്പറ്റിയെന്ന ആരോപണം ശരിവയ്ക്കുന്നതാണ് എസ്എഫ്‌ഐഒ കുറ്റപത്രമെന്നും, പത്ത് വര്‍ഷം വരെ ശിക്ഷ ലഭിക്കാവുന്ന കുറ്റമാണ് വീണ ചെയ്തിരിക്കുന്നതെന്നും സതീശന്‍ അഭിപ്രായപ്പെട്ടു .
മുഖ്യമന്ത്രിയുടെ മകളായതുകൊണ്ട് മാത്രമാണ് വീണാ വിജയന്റെ കമ്പനിക്ക് സേവനങ്ങളൊന്നും നൽകാതെ 2.7 കോടി രൂപ ലഭിച്ചത്. ഇത്തരം അഴിമതി നടത്തിയതിന്റെ ഉത്തരവാദിത്വം ഏറ്റെടുത്ത് മുഖ്യമന്ത്രി രാജിവയ്ക്കണമെന്നും മുഖ്യമന്ത്രി സ്ഥാനത്ത് ഇരുന്നുകൊണ്ട് മകള്‍ പ്രോസിക്യൂഷന്‍ നടപടികള്‍ നേരിടുന്നതിനെ എങ്ങനെ ന്യായീകരിക്കുമെന്നും അദ്ദേഹം ചോദിച്ചു.മുഖ്യമന്ത്രിയെ ന്യായീകരിച്ചവർക്ക് ഇനി എന്ത് പറയാൻ ഉണ്ടെന്നും ഗുരുതരമായ ഈ വിഷയത്തിൽ സിപിഎം കേന്ദ്ര നിലപാട് വ്യക്തമാക്കണമെന്നും സതീശൻ അഭിപ്രായപ്പെട്ടു .
