ജയചന്ദ്രന് കലാ കേരളത്തിന്റെ കണ്ണീർ പ്രണാമം ; സം സ്ക്കാരം നാളെ
തൃശ്ശൂർ: ഭാവഗായകന് പി.ജയചന്ദ്രന് സംഗീതലോകത്തിന്റെ സ്മരണാഞ്ജലി. മൃതദേഹം രാവിലെ എട്ട് മണിക്ക് ശേഷം തൃശൂരിലെ സ്വകാര്യ ആശുപത്രിയിലെ മോര്ച്ചറിയില് നിന്ന് പൂങ്കുന്നത്തെ സഹോദരിയുടെ വീട്ടിലെത്തിച്ചു. 10 മുതൽ 12 വരെ സംഗീത അക്കാദമി ഹാളിൽ പൊതുദർശനത്തിന് വെക്കും. കൂടാതെ തിരികെ പൂങ്കുന്നത്തെ വീട്ടിലെത്തിച്ചതിന് ശേഷം നാളെ ജന്മദേശമായ നോര്ത്ത് പറവൂരിലെ പാലിയത്തേക്ക് കൊണ്ടുപോകും.
ഒപ്പം നാളെ രാവിലെ 9 മുതല് പാലിയത്തെ തറവാട്ടില്പൊതുദര്ശനം ഒരുക്കിട്ടുണ്ട്. നാളെ ഉച്ചതിരിഞ്ഞ് മൂന്ന് മണിക്ക് പറവൂർ ചേന്ദമംഗലം പാലിയത്ത് വീട്ടിലായിരിക്കും സംസ്കാരം നടക്കുക. ഇന്നലെ വൈകിട്ട് വീട്ടില് കുഴഞ്ഞു വീണതിന് പിന്നാലെ തൃശൂരിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ഏഴേമുക്കാലോടെ മരണം സംഭവിക്കുകയായിരുന്നു.
മികച്ച ഗായകനുള്ള ദേശീയ, സംസ്ഥാന പുരസ്കാരങ്ങള് നേടിയ പി ജയചന്ദ്രന് വിവിധ ഭാഷകളിലായി 16000ത്തോളം പാട്ടുകള് പാടിയിട്ടുണ്ട്.
ദേശീയ പുരസ്കാരവും 5തവണ മികച്ച പിന്നണി ഗായകനുള്ള കേരള സംസ്ഥാന പുരസ്കാരവും മികച്ച പിന്നണി ഗായകനുള്ള തമിഴ് നാട് സർക്കാർ പുരസ്കാരവും നേടിയിട്ടുണ്ട്. കൂടാതെ 2021ല് കേരള സര്ക്കാരിന്റെ ജെ സി ഡാനിയല് പുരസ്കാരവും ലഭിച്ചിട്ടുണ്ട്.
