ശബരിമല പോലീസുകാരുടെ ഫോട്ടോ ഷൂട്ട്‌ ; നല്ല നടപ്പ് പരിശീലനം നൽകാൻ തീരുമാനം
തിരുവനന്തപുരം: ശബരിമലയിൽ പതിനെട്ടാം പടിയിൽ നിന്നു കൊണ്ട് ഫോട്ടോയെടുത്ത സംഭവം. പൊലീസുകാര്‍ക്കെതിരെ നടപടി. സംഭവത്തിൽ എസ് എ പി ക്യാമ്പസിലെ 23 പൊലീസുകാര്‍ക്ക് കണ്ണൂര്‍ കെഎപി -4 ക്യാമ്പിൽ നല്ല നടപ്പ് പരിശീലനത്തിന് എഡിജിപി എസ് ശ്രീജിത്ത് നിര്‍ദേശം നൽകി.
പതിനെട്ടാം പടിയിൽ പുറം തിരിഞ്ഞിരുന്ന് പൊലീസുകാര്‍ ഫോട്ടോ എടുത്തത് വിവാദമായിരുന്നു. ഫോട്ടോ സാമൂഹിക മാധ്യമങ്ങളിൽ പ്രചരിക്കുകയും ചെയ്തു. തുടര്‍ന്നാണ് പൊലീസ് നടപടി എടുത്തിരിക്കുന്നത്. നടപടിയെ തുടര്‍ന്ന് 23 പൊലീസുകാരും ശബരിമലയിൽ നിന്ന് പരിശീലനത്തിനായി മടങ്ങി. തീവ്ര പരിശീലനം നൽകണമെന്നാണ് എഡിജിപി നിര്‍ദേശം. ഒപ്പം ഇതുമായി ബന്ധപ്പെട്ട് ഹൈക്കോടതിയിൽ നാളെ റിപ്പോര്‍ട്ട് നൽകും.
