പ്രശസ്ത അമേരിക്കൻ ചലച്ചിത്രകാരൻ ഡേവിഡ് ലിഞ്ച് അന്തരിച്ചു

ന്യൂയോർക്ക്: പ്രശസ്ത അമേരിക്കൻ ചലച്ചിത്രകാരൻ ഡേവിഡ് ലിഞ്ച് (78) അന്തരിച്ചു. ട്വിൻ പീക്സ് എന്ന ടെലിവിഷൻ പരമ്പരയിലൂടെയാണ് ലിഞ്ച് അമേരിക്കൻ പ്രേക്ഷകരുടെ പ്രിയങ്കരനായത്. മൾഹോളണ്ട് ഡ്രൈവ്, വൈൽഡ് അറ്റ് ഹാർട്ട് , ബ്ലൂ വെൽവെറ്റ് തുടങ്ങിയ ഹിറ്റ് ചിത്രങ്ങളുടെ സംവിധായകനായിരുന്നു ലിഞ്ച്.
ഒപ്പം ബീറ്റിൽസിലൂടെ പാശ്ചാത്യ ലോകം പരിചയിച്ച അതീന്ദ്രീയ ധ്യാനത്തിന്റെ പ്രചാരകൻ ആയിരുന്നു ലിഞ്ച്. നാല് തവണ ഓസ്കാർ നോമിനേഷൻ ലഭിച്ചിട്ടുള്ള ഡേവിഡ് ലിഞ്ചിന് 2019 ൽ അക്കാദമി പ്രത്യേക പുരസ്കാരം നൽകി ആദരിക്കുകയും ചെയ്തിരുന്നു. മരണവിവരം അദ്ദേഹത്തിന്റെ ഫേസ്ബുക് പേജിലൂടെയാണ് കുടുംബം ലോകത്തെ അറിയിച്ചത്.