ബലാത്സംഗ കേസ്; മതിയായ തെളിവുകളില്ല മോൺസൺ മാവുങ്കലിനെ വെറുതെ വിട്ട് പോക്സോ കോടതി
കൊച്ചി: ബലാത്സംഗ കേസില് മോന്സന് മാവുങ്കലിനെ കോടതി വെറുതെ വിട്ടു. എറണാകുളം പോക്സോ കോടതിയാണ് ഉത്തരവ് ഇറക്കിയത്. മോന്സന്റെ മാനേജരായി ജോലി ചെയ്തിരുന്ന യുവതിയെ ബലാല്സംഗം ചെയ്ത് ഗര്ഭിണിയാക്കിയെന്നും. പിന്നീട് നിര്ബന്ധിച്ച് ഗര്ഭഛിദ്രം നടത്തിയെന്നും പരാതിയുണ്ടായിരുന്നു.
എന്നാല് കേസിന്റെ വിചാരണ ഘട്ടത്തില് പരാതിക്കാരി മൊഴി മാറ്റി. മോന്സനെതിരായ തട്ടിപ്പു കേസുകള് അന്വേഷിച്ച പൊലീസുദ്യോഗസ്ഥരുടെ സമ്മര്ദത്തെ തുടര്ന്നാണ് പരാതി നല്കിയതെന്ന് പരാതിക്കാരി നിലപാടെടുത്തതോടെ കേസ് ദുര്ബലമാവുകയായിരുന്നു. മതിയായ തെളിവുകള് ഹാജരാക്കാന് കഴിഞ്ഞില്ലെന്ന് കണ്ടെത്തിയാണ് കോടതി മോന്സനെ കുറ്റവിമുക്തനാക്കിയിരിക്കുന്നത്.
