കൈയ്യേറ്റം ചെയ്തതില് പ്രതിഷേധം; സംസ്ഥാനത്തെ എല്ലാ പെട്രോള് പമ്പുകളും ഇന്ന് അടച്ചിടും

കോഴിക്കോട്: എലത്തൂര് എച്ച് പി സി എല് ഡിപ്പോയില് ചര്ച്ചയ്ക്ക് എത്തിയ പെട്രോളിയം ഡീലേഴ്സ് ഭാരവാഹികളെ ടാങ്കര് ഡ്രൈവര്മാര് കൈയ്യേറ്റം ചെയ്തതില് പ്രതിഷേധിച്ച് സംസ്ഥാനത്തെ എല്ലാ പെട്രോള് പമ്പുകളും ഇന്ന് രാവിലെ ആറ് മണി മുതല് 12 മണി വരെ അടച്ചിടും. ഓള് കേരള ഫെഡറേഷന് ഓഫ് പെട്രോളിയം ഡീലേഴ്സാണ് തീരുമാനം അറിയിച്ചത്.
കൂടാതെ ചൊവ്വാഴ്ച ഇരുമ്പനം എച്ച് പി സി എല് ടെര്മിനല് ഉപരോധിക്കാനും സംഘടന തീരുമാനിച്ചിരിക്കുകയാണ്. കോഴിക്കോട് ജില്ലയിലെ പമ്പുകള് ശനിയാഴ്ച വൈകീട്ട് നാലുമുതല് ആറുവരെ രണ്ടുമണിക്കൂര് അടച്ചിടാനും ഓള് കേരള ഫെഡറേഷന് ഓഫ് പെട്രോളിയം ഡീലേഴ്സ് ആഹ്വാനം ചെയ്തു.
പെട്രോളിയം ഡീലര്മാരും ടാങ്കര് ഡ്രൈവര്മാരും തമ്മില് കുറച്ചുദിവസമായി തര്ക്കം തുടര്ന്നു വരികയായിരുന്നു. ‘ചായ പൈസ’ എന്ന് വിളിക്കുന്ന തുകയുമായി ബന്ധപ്പെട്ടായിരുന്നു തര്ക്കം ഉണ്ടായത്. പെട്രോള് പമ്പില് ഇന്ധനമെത്തിക്കുന്ന ടാങ്കര് ഡ്രൈവര്മാര്ക്ക് ചായ പൈസ എന്ന പേരില് 300 രൂപ ഡീലര്മാര് നല്കി വരുന്നുണ്ട്. ഈ തുക വര്ധിപ്പിക്കണമെന്ന് ഡ്രൈവര്മാര് ആവശ്യപ്പെടുകയും. എന്നാല്, ആവശ്യം ഡീലര്മാര് നിഷേധിക്കുകയും ചെയ്തു . ഇതോടെയാണ് തർക്കം രൂക്ഷമായത്.