മഹാ കുംഭമേളയില് പങ്കെടുത്ത് രാഷ്ട്രപതി; പ്രയാഗ്രാജില് വൻ സുരക്ഷാക്രമീകരണം
പ്രയാഗ്രാജ് : മഹാ കുംഭമേളയില് പങ്കെടുത്ത് രാഷ്ട്രപതി ദ്രൗപതി മുര്മു. കുംഭമേളയോട് അനുബന്ധിച്ചുള്ള പ്രത്യേക പൂജയിലും രാഷ്ട്രപതി പങ്കെടുക്കുകയും ത്രിവേണി സംഗമത്തില് സ്നാനം നടത്തുകയും ചെയ്തു. രാഷ്ട്രപതിയുടെ സന്ദര്ശനത്തോട് അനുബന്ധിച്ച് വലിയ സുരക്ഷാക്രമീകരണങ്ങളാണ് പ്രയാഗ്രാജില് ഒരുക്കിയിരുന്നത്.
രാവിലെ 10.30 ഓടെ പ്രയാഗ്രാജില് എത്തിയ രാഷ്ട്രപതിയെ ഉത്തര്പ്രദേശ് ഗവര്ണര് ആനന്ദി ബെന് പട്ടേല്, മുഖ്യമന്ത്രി യോഗി ആദിത്യനാഥ് എന്നിവര് ചേര്ന്ന് സ്വീകരിച്ചു.
ഇതുവരെ 40 കോടി തീര്ത്ഥാടകര് കുംഭമേളയില് പങ്കെടുത്തു എന്നാണ് കണക്കുകള് പറയുന്നത്. ജനുവരി 13ന് ആരംഭിച്ച കുംഭമേള മഹാശിവരാത്രി ദിനമായ ഫെബ്രുവരി 26ന് അവസാനിക്കും.
