പൊലീസുകാരിയും യുവാവും തടാകത്തിൽ മരിച്ച നിലയിൽ; സംഭവത്തിൽ ദുരൂഹത
ഹൈദരാബാദ്: തെലങ്കാനയിൽ ദുരൂഹതയുമായി വനിതാ കോൺസ്റ്റബിളും സ്വകാര്യ കമ്പനിയിലെ ജീവനക്കാരനായ യുവാവും തടാകത്തിൽ മരിച്ച നിലയിൽ. തെലങ്കാന ബിബിപേട്ട് പൊലിസ് സ്റ്റേഷനിലെ കോൺസ്റ്റബിൾ ശ്രുതിയും സ്വകാര്യ കമ്പനി ജീവനക്കാരനായ നിഖിലും ആണ് മരിച്ചത്. കമറെഡ്ഡി ജില്ലയിലെ അഡ്ലൂർ എല്ലാറെഡ്ഡി തടാകത്തിലാണ് ഇരുവരുടെയുംമൃതദേഹങ്ങള് കണ്ടെത്തിയത്. ഇരുവരും തടാകത്തിൽ ചാടി മരിച്ചെന്നാണ് പ്രാഥമിക നിഗമനം. സംഭവത്തിൽ മറ്റൊരു എസ്ഐയെ കാണാനില്ല. ഇയാള്ക്കായി തെരച്ചിൽ ആരംഭിച്ചിരിക്കുകയാണ്. ഈ എസ്ഐയുടെ അടക്കം മൂന്നു പേരുടെയും മൊബൈൽ ഫോണുകളും മറ്റ് വസ്തുക്കളും തടാകക്കരയിൽ നിന്നും കണ്ടെത്തി.
കൂടാതെ തൊട്ടടുത്തുള്ള ബിക്ക്നൂർ പൊലിസ് സ്റ്റേഷനിലെ എസ്ഐ സായി കുമാറിനെയും ആണ് കാണാതായിരിക്കുന്നത്. ഇതേ തടാകത്തിൽ മുങ്ങിമരിച്ചെന്നാണ് സംശയിക്കുന്നത്. ഇന്ന് രാവിലെ ശ്രുതിയുടെയും നിഖിലിന്റെയും മൃതദേഹം കണ്ടത്. തുടര്ന്നാണ് തടാകത്തിൽ തെരച്ചിൽ ആരംഭിച്ചത്. എസ്ഐ സായ്കുമാറിന് വേണ്ടി തടാകത്തിൽ തെരച്ചിൽ തുടരുകയാണ്. സംഭവത്തിൽ ദുരൂഹതയേറുകയാണെന്നും അന്വേഷണം നടക്കുകയാണെന്നും പൊലീസ് അറിയിച്ചു.
