6 അതിർത്തി പ്രദേശങ്ങളിൽ 24 ആക്രമണങ്ങളാണ് ഉണ്ടായതെന്ന് പാകിസ്ഥാൻ
ഇസ്ലാമാബാദ്: ഇന്ത്യയുടെ ഓപ്പറേഷൻ സിന്ദൂര്‍ സ്ഥിരീകരിച്ച് പാകിസ്ഥാൻ. ആറ് പ്രദേശങ്ങളിലായി ആകെ 24 ആക്രമണങ്ങളാണ് ഉണ്ടായതെന്ന് പാകിസ്ഥാൻ സൈന്യം വ്യക്തമാക്കി. വാർത്താസമ്മേളനത്തിലാണ് പാക് സൈന്യത്തിന്റെ വിശദീകരിച്ചിരിക്കുന്നത്. അർദ്ധരാത്രിക്ക് ശേഷമാണ് ഇന്ത്യ ആക്രമണം നടത്തിയതെന്നും എട്ടു പേര്‍ കൊല്ലപ്പെട്ടുവെന്നും പാക് ലെഫ്. ജനറൽ അഹമ്മദ് ഷെരീഫ് ചൗധരി മാധ്യമങ്ങളോട് പറഞ്ഞു. ആക്രമണത്തിൽ 35 പേര്‍ക്ക് പരിക്കേറ്റെന്നും ഇന്ത്യ തകർത്തതിൽ ആളുകൾ താമസിച്ചിരുന്ന ക്വാർട്ടേഴ്സുകളും ഉണ്ടെന്നും പാകിസ്ഥാൻ പറഞ്ഞു.
