തനിമ കുവൈത്ത്‌ 'ഉല്ലാസത്തനിമ- 2022' സംഘടിപ്പിച്ചു

കുവൈത്ത് സിറ്റി: കുവൈത്തിലെ കലാസംസാകാരിക സമൂഹിക വിഷയങ്ങളിലെ നിറ സാന്നിധ്യമായ തനിമ കുവൈത്ത്‌ അംഗങ്ങളെയും അഭ്യുദേയകാംക്ഷികളെയും പങ്കെടുപ്പിച്ച്‌ കബദിൽ ദ്വിദിന പിക്നിക്‌ ആയ 'ഉല്ലാസത്തനിമ-2022' സംഘടിപ്പിച്ചു. കുട്ടികളുടെയും മുതിർന്നവരുടെയും കലാപരിപാടികളും മത്സരങ്ങളും കൊണ്ട്‌ ഹൃദ്യമായ രണ്ട് ദിനങ്ങൾ, ജോലിത്തിരക്കിന്റെ സമ്മർദ്ധങ്ങൾ ഒഴിഞ്ഞ്‌ കൊണ്ട്‌ അംഗങ്ങൾക്ക്‌ ആശ്വാസകരമായ ഓർമ്മകൾ സമ്മാനിക്കുന്ന ഒന്നായ്‌ മാറിയെന്ന് ജനറൽ കൺവീനർ ബാബുജി പറഞ്ഞു.

തനിമ അംഗങ്ങളിൽ നിന്നും രക്ത്ദാനം അടക്കം ഉള്ള സന്നദ്ധ സേവനങ്ങളിൽ മുന്നിൽ നിൽക്കുന്നവരെ അനുമോദിച്ചു. തനിമയുടെ വിവിധ തുടർപരിപാടികളുടെ ആസ്സൂത്രണയോഗങ്ങളും സംഘടിപ്പിച്ചു.

ഉല്ലാസത്തനിമ കൺവീനർ ബിനോയ്‌ (ജേകബ്‌ വർഗ്ഗീസ്)‌, അലക്സ്‌ വർഗ്ഗീസ്‌ എന്നിവർ പ്രോഗ്രാമുകളുടെ ക്രമീകരണങ്ങൾക്ക്‌ നേതൃത്വം നൽകി. ജെന. കൺവീനർ ബാബുജി, ഷൈജു പള്ളിപ്പുറം (ജോയിന്റ്‌ കൺവീനർ ), ജോജിമോൻ (ഫിനാൻസ്‌ കണ്ട്രോളർ) എന്നിവർ വിവിധ പരിപാടികൾ നിയന്ത്രിച്ചു.

പ്രോഗ്രാം കൺവീനർ ബിനോയ്‌ പൊതുവിൽ കുവൈത്തിലെയും നാട്ടിലെയും കലാകായിക സാംസ്കാരിക സാമൂഹിക വിദ്യാഭ്യാസതലങ്ങളിൽ വ്യത്യസ്തമായും സുതാര്യമായും മാതൃകാപരമായും ഇടപെടുന്നതിൽ തനിമ കുവൈത്തിന്റെ പ്രതിബദ്ധത രേഖപ്പെടുത്തുകയും സേവനസന്നദ്ധത അറിയിക്കുകയും ചെയ്തു.