നീറ്റ് : പരീക്ഷകളിൽ മാറ്റം നിർദ്ദേശിച്ച് കെ രാധാകൃഷ്ണൻ കമ്മിറ്റി റിപ്പോർട്ട്
ദില്ലി : ദേശീയ തലത്തിൽ പരീക്ഷകളിൽ സമൂലം മാറ്റം നിർദ്ദേശിച്ച് ഐ എസ് ആർ ഒ മുൻ ചെയർമാൻ കെ രാധാകൃഷ്ണൻ അധ്യക്ഷനായ ഉന്നത തല കമ്മിറ്റി റിപ്പോർട്ട്. നീറ്റ് പരീക്ഷ ഓൺലൈൻ ആക്കണമെന്നതാണ് റിപ്പോർട്ടിലെ പ്രധാന ശുപാർശയായി പറഞ്ഞിരിക്കുന്നത്. ഇത് സംബന്ധിച്ച് ആരോഗ്യമന്ത്രാലയവുമായി ചർച്ച നടത്തും.
ദേശീയ ടെസ്റ്റിങ് ഏജൻസിയിൽ (എൻടിഎ) സമൂല മാറ്റം കമ്മറ്റി നിർദ്ദേശിക്കുന്നുണ്ട്. എൻടിഎ ദേശീയതലത്തിലെ പ്രവേശന പരീക്ഷകൾ മാത്രം നടത്തും. റിക്രൂട്ട്മെൻ്റ് പരീക്ഷകൾ നടത്തില്ല. അതുപോലെ അടുത്ത വർഷം ഏജൻസി പുനക്രമീകരിക്കും. 10 പുതിയ പോസ്റ്റുകൾ ഏജൻസിയിൽ ക്രമീകരിക്കണം. പരാതികൾ പരിശോധിക്കാൻ ദേശീയ തലത്തിൽ സമിതി വേണമെന്നും റിപ്പോർട്ടിൽ ശുപാർശ ചെയ്തു . 101 ശുപാർശകളാണ് റിപ്പോർട്ടിലുളളത്.
