നവീൻ ബാബു കേസ്; സി ബി ഐ അന്വേഷിക്കണമെന്ന് കുടുംബം കോടതിയിൽ

ന്യൂഡൽഹി: മു​ൻ എ.​ഡി.​എം കെ. ​ന​വീ​ൻ ബാ​ബു​വി​ന്റെ മ​ര​ണ​ത്തി​ൽ സി.ബി.ഐ അന്വേഷണം ആവശ്യപ്പെട്ട് ഭാര്യ മഞ്ജുഷ സുപ്രീം കോടതിയിൽ. നേരത്തെ ഹൈകോടതിയെ സമീപിച്ചിരുന്നെങ്കിലും ആവശ്യം തള്ളിയതോടെയാണ് സുപ്രീംകോടതിയെ സമീപിച്ചിരിക്കുന്നത്. നിലവിലെ അന്വേഷണത്തിൽ വിശ്വാസമില്ലെന്നും സുപ്രീംകോടതിയെ അറിയിച്ചു.

രണ്ടാഴ്ച മുമ്പ് അന്വേഷണ സംഘം സമർപ്പിച്ച കുറ്റപത്രത്തിൽ ഏക പ്രതിയായി ക​ണ്ണൂ​ർ ജി​ല്ല പ​ഞ്ചാ​യ​ത്ത് മു​ൻ പ്ര​സി​ഡന്‍റും സി.​പി.​എം മു​ൻ ജി​ല്ല ക​മ്മി​റ്റി​യം​ഗ​വു​മാ​യ പി.​പി. ദി​വ്യ​ മാത്രമാണുള്ളത്. ഒ​ക്ടോ​ബ​ർ 15നാ​ണ് ന​വീ​ൻ ബാ​ബു​വി​നെ പ​ള്ളി​ക്കു​ന്നി​ലെ താ​മ​സ​സ്ഥ​ല​ത്ത് തൂ​ങ്ങി​മ​രി​ച്ച നി​ല​യി​ൽ കണ്ടെത്തിയ​ത്. എ.​ഡി.​എ​മ്മി​നു​ള്ള യാ​ത്ര​യ​യ​പ്പ് യോ​ഗ​ത്തി​ൽ ക്ഷ​ണി​ക്കാ​തെ എ​ത്തി​യ പി.​പി. ദി​വ്യ ന​ട​ത്തി​യ അ​ധി​ക്ഷേ​പ പ്ര​സം​ഗ​ത്തി​ൽ മ​നം​​നൊ​ന്താ​ണ് ന​വീ​ൻ​ബാ​ബു ജീ​വ​നൊ​ടു​ക്കി​യ​തെ​ന്നും അ​ധി​കാരം അ​വ​ർ ദു​രു​പ​യോ​ഗം ചെ​യ്തെ​ന്നും ക​ണ്ണൂ​ർ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ സ​മ​ർ​പ്പി​ച്ച കു​റ്റ​പ​ത്ര​ത്തി​ൽ ചൂ​ണ്ടി​ക്കാ​ട്ടി.

എ.​ഡി.​എ​മ്മി​നെ അ​പ​മാ​നി​ക്കു​ക ല​ക്ഷ്യ​മി​ട്ടാ​ണ് ദി​വ്യ യാ​ത്ര​യ​യ​പ്പ് യോ​ഗ​ത്തി​ന് എ​ത്തി​യ​തെന്നും . പ്ര​സം​ഗ​ത്തി​ന്റെ വി​ഡി​യോ ചി​ത്രീ​ക​രി​ക്കു​ന്ന​തി​ന് പ്രാ​ദേ​ശി​ക ചാ​ന​ലി​ന്റെ വി​ഡി​യോ​ഗ്രാ​ഫ​റെ ചു​മ​ത​ല​പ്പെ​ടു​ത്തി. സ്വ​ന്തം​ ഫോ​ണി​ലൂ​ടെ ആ ​ദൃ​ശ്യ​ങ്ങ​ൾ പ്ര​ച​രി​പ്പി​ച്ചു. പ്ര​സം​ഗ​ത്തി​നി​ടെ ‘ര​ണ്ടു​ദി​വ​സ​ത്തി​ന​കം അ​റി​യാ​മെ​ന്ന’ പ​രാ​മ​ർ​ശം ഭീ​ഷ​ണി​യാ​ണ്. തു​ട​ർ​ന്നാ​ണ് പി​റ്റേ​ന്ന് പു​ല​ർ​ച്ച​യോ​ടെ ന​വീ​ൻ താ​മ​സ​സ്ഥ​ല​ത്ത് ജീ​വ​നൊ​ടു​ക്കി​യ​തെ​ന്നും കു​റ്റ​പ​ത്ര​ത്തി​ൽ പറയുന്നു

ആ​ത്മ​ഹ​ത്യാ​കു​റി​പ്പ് ക​ണ്ടെ​ടു​ത്തി​ട്ടി​ല്ല, മ​ര​ണ​ത്തി​ന് മ​റ്റ് കാ​ര​ണ​ങ്ങ​ളി​ല്ല, പെ​ട്രോ​ൾ പ​​മ്പുട​മ ടി.​വി. പ്ര​ശാ​ന്തു​മാ​യി ദി​വ്യ ഗൂ​ഢാ​ലോ​ച​ന ന​ട​ത്തി​യ​തി​ന് തെ​ളി​വി​ല്ല, മ​ര​ണ​ത്തി​ന് കാ​ര​ണ​മാ​യി ദി​വ്യ അ​ല്ലാ​തെ മ​റ്റൊ​രാ​ളു​മി​ല്ല തു​ട​ങ്ങി​യ കാ​ര്യ​ങ്ങ​ളും നാ​നൂ​റി​ല​ധി​കം പേ​ജു​ള്ള കു​റ്റ​പ​ത്ര​ത്തിൽ പറയുന്നു. സി.ബി.ഐ അന്വേഷണം നടത്തണമെന്നും മരണത്തിലേക്ക് നയിച്ച ഗൂഢാലോചന അന്വേഷിക്കണമെന്നുമാണ് കുടുംബം ആവശ്യപ്പെട്ടിരിക്കുന്നത്.