മുല്ലപ്പെരിയാർ അണക്കെട്ട് ദേശീയ അണക്കെട്ട് സുരക്ഷാ അതോറിറ്റി പരിശോധന നടത്തി
ഇടുക്കി : മുല്ലപ്പെരിയാർ അണക്കെട്ട് നല്ല നിലയിലാണെന്നും ആശങ്കപ്പെടേണ്ട കാര്യമില്ലെന്നും ദേശീയ അണക്കെട്ട് സുരക്ഷാ അതോറിറ്റി (എൻഡിഎസ്എ) ചെയർമാൻ അനിൽ ജെയിൻ. അണക്കെട്ട് പരിശോധിച്ച നാലാമത്തെ മേൽനോട്ട സമിതി യോഗത്തിൽ അധ്യക്ഷത വഹിച്ച ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. അണക്കെട്ടിന്റെ ഘടന, ഉപകരണങ്ങൾ, ഹൈഡ്രോ-മെക്കാനിക്കൽ ഘടകങ്ങൾ, ഗാലറി എന്നിവയുൾപ്പെടെ വിവിധ വശങ്ങൾ സമിതി പരിശോധിച്ചതായും. ഇതുവരെ, ആശങ്കാജനകമായ ഒന്നും കണ്ടെത്തിയിട്ടില്ല. അണക്കെട്ട് നല്ല നിലയിലാണെന്നും അദ്ദേഹം വ്യക്തമാക്കി .
മുല്ലപ്പെരിയാർ ഡാം വിഷയത്തിൽന തമിഴ്നാടും കേരളവും തമ്മിലുള്ള നിരവധി പ്രശ്നങ്ങൾ കൂടിക്കാഴ്ചയിൽ രമ്യമായി പരിഹരിച്ചതായി അദ്ദേഹം പറഞ്ഞു . തമിഴ്നാട് സർക്കാർ കേരള സർക്കാരുമായി ചില ഉപകരണങ്ങൾ പങ്കിടാൻ തീരുമാനിച്ചു. വനമേഖലയിലൂടെ അണക്കെട്ട് സ്ഥലത്തേക്ക് തമിഴ്നാടിന് ശരിയായ പ്രവേശനം നൽകാൻ കേരള സർക്കാറും സമ്മതിച്ചു. അണക്കെട്ടിന്റെ വെള്ളത്തിനടിയിലെ അവസ്ഥ വിലയിരുത്തുന്ന റിമോട്ട് ഓപ്പറേറ്റഡ് വെഹിക്കിൾ (ആർഒവി) സർവേയുടെ വരാനിരിക്കുന്ന റിപ്പോർട്ടിനെ അടിസ്ഥാനമാക്കിയുള്ള അടുത്ത നടപടികളും കമ്മിറ്റി ചർച്ച ചെയ്തു. റിപ്പോർട്ട് ലഭ്യമാകുന്ന മുറയ്ക്ക്, വേഗത്തിൽ തീരുമാനമെടുക്കുകയും ഗ്രൗട്ടിംഗ് ജോലികൾ തുടരാൻ അനുവദിക്കുകയും ചെയ്യുമെന്നും അനിൽ ജെയിൻ വ്യക്തമാക്കി. സമഗ്രമായ അണക്കെട്ട് സുരക്ഷാ വിലയിരുത്തലിനുള്ള പ്രവർത്തനം മേൽനോട്ട ഉപസമിതികൾ അന്തിമമാക്കിയിട്ടുണ്ടെന്നും . മൂല്യനിർണ്ണയത്തിന് ആവശ്യമായ സ്വതന്ത്ര വിദഗ്ദ്ധ പാനലിൽ ഉൾപ്പെടുത്തേണ്ട വിദഗ്ധരുടെ പട്ടിക ഇരു സംസ്ഥാനങ്ങളും സമർപ്പിക്കും.
ചട്ടങ്ങൾ അനുസരിച്ച്, പാനൽ രൂപീകരിക്കുന്നതിൽ എൻഡിഎസ്എ അന്തിമ തീരുമാനം എടുക്കുമെന്നും അദ്ദേഹം കൂട്ടിച്ചേർത്തു. ബേബി ഡാമിലെ അറ്റകുറ്റപ്പണികൾക്കായുള്ള തമിഴ്നാടിന്റെ അഭ്യർത്ഥനയിൽ മരങ്ങൾ മുറിക്കുന്നതിന് പരിസ്ഥിതി, വനം, കാലാവസ്ഥാ വ്യതിയാന മന്ത്രാലയത്തിന്റെ (MoEF) അനുമതി നേടുന്നതിനെ ആശ്രയിച്ചിരിക്കുമെന്നും അനിൽ ജെയിൻ പറഞ്ഞു. അനുമതി നൽകുന്നതിനുള്ള പ്രക്രിയ വേഗത്തിലാക്കാൻ പരിസ്ഥിതി മന്ത്രാലയത്തെ സമീപിക്കാൻ ഇരു സംസ്ഥാനങ്ങളും സമ്മതിക്കുകയും ചെയ്തു.
എൻഡിഎസ്എ ചെയർമാൻ അനിൽ ജെയിൻ, എൻഡിഎസ്എ അംഗം (ദുരന്തവും പ്രതിരോധശേഷിയും) രാകേഷ് ടോട്ടേജ, ബെംഗളൂരുവിലെ നോഡൽ ഓഫീസർ – ഐസിഇഡി, ഐഐഎസ്സി, ആനന്ദ് രാമസാമി, തമിഴ്നാട് സൂപ്പർവൈസറി കമ്മിറ്റി സെക്രട്ടറി ജെ ജയകാന്തൻ, കേരള സൂപ്പർവൈസറി കമ്മിറ്റി അംഗം ബിശ്വനാഥ് സിൻഹ, സൂപ്പർവൈസറി കമ്മിറ്റി ചെയർമാൻ ആർ സുബ്രഹ്മണ്യൻ, ഐഎസ്ഡബ്ല്യു, ഗോക് അംഗം ആർ പ്രിയേഷ് എന്നിവരുടെ നേതൃത്വത്തിലുള്ള സമിതിയാണ് പരിശോധിച്ചത്.
