എംഎല്എ ഐ സി ബാലകൃഷ്ണന്റെ ഗണ്മാന് മര്ദ്ദനമേറ്റു

കല്പ്പറ്റ: സുല്ത്താന് ബത്തേരിയില് എംഎല്എ ഐ സി ബാലകൃഷ്ണന്റെ ഗണ്മാന് മര്ദ്ദനമേറ്റു. താളൂരില് രാവിലെ പത്തരയോടെയായിരുന്നു സംഭവം. എംഎല്എയെ ആക്രമിക്കുന്നത് തടയുന്നതിനിടെയാണ് ഗണ്മാൻ സുദേശന് മര്ദ്ദനമേറ്റിരിക്കുന്നത്. ഡിവൈഎഫ്ഐ-സിപിഐഎം പ്രവര്ത്തകരാണ് ആക്രമിച്ചതെന്നാണ് ആരോപണം ഉന്നയിച്ചിരിക്കുന്നത്. പരിക്കേറ്റ ഗണ്മാനെ സുല്ത്താന്ബത്തേരി താലൂക്ക് ആശുപത്രിയില് പ്രവേശിപ്പിച്ചു.
ഡിസിസി ട്രഷറര് എന് എം വിജയന്റേയും മകന്റേയും മരണത്തിലെ ഒന്നാം പ്രതിയാണ് ഐ സി ബാലകൃഷ്ണന്. ഡിസംബര് 25നാണ് ഡിസിസി ട്രഷറര് ആയിരുന്ന എന് എം വിജയനെയും മകന് ജിജേഷിനെയും വിഷം കഴിച്ച് ഗുരുതരാവസ്ഥയില് ആശുപത്രിയില് പ്രവേശിപ്പിച്ചത്. പിന്നാലെ 27ന് ഇരുവരും മരിച്ചു. വീട്ടില് നിന്ന് കണ്ടെത്തിയ ആത്മഹത്യാക്കുറിപ്പില് ഐ സി ബാലകൃഷ്ണന്റെ പേരുണ്ടായിരുന്നു. പിന്നാലെയാണ് എംഎല്എയെ കേസില് പ്രതി ചേര്ത്തത്.
പ്രതി ചേര്ത്തതിന് പിന്നാലെ ഐ സി ബാലകൃഷ്ണന് ഒളിവില് പോവുകയും ചെയ്തു . എന്നാല് സുഹൃത്തിന്റെ മകളുടെ വിവാഹത്തില് പങ്കെടുക്കാന് കര്ണാടകയില് ആണെന്നും ഒളിവില് പോയെന്ന വാര്ത്ത വ്യാജമാണെന്നും വിശദീകരിച്ച് കൊണ്ട് ഐ സി ബാലകൃഷ്ണന് വീഡിയോ പങ്കുവെച്ചിരുന്നു.