ചേർത്തല കടക്കരപ്പള്ളിയിലെ മധ്യവയസ്‌കയുടെ മരണം; ഭർത്താവ് അറസ്റ്റിൽ
ആലപ്പുഴ: ചേർത്തല കടക്കരപ്പള്ളിയിലെ മധ്യവയസ്‌കയുടെ മരണം. ഭർത്താവ് അറസ്റ്റിൽ. കടക്കരപ്പള്ളിയിൽ സ്വദേശി സുമിയെ കൊലപ്പെടുത്തിയതാണെന്ന് കണ്ടെത്തിയതിനെ തുടര്‍ന്ന് ഭർത്താവിനെ അറസ്റ്റ് ചെയ്യുകയായിരുന്നു. ഇരുവരും തമ്മിലുണ്ടായ വഴക്കിനിടെയാണ് കൊലപാതകം ഉണ്ടായത്.
ഇന്നലെ പുലർച്ചെയാണ് സുമി മരിച്ചത്.ആലപ്പുഴ മെഡിക്കൽ കോളജ് ആശുപത്രിയിൽ വെച്ച് നടന്ന പോസ്റ്റ്‌മോർട്ടത്തിൽ സുമിയുടെ കഴുത്തിലെ ചില പാടുകൾ ഡോക്ടർമാർക്ക് സംശയങ്ങൾ ഉയർത്തുകയും .
ഇതോടെ സുമിയുടെ മരണം കൊലപാതകമാണോയെന്ന് ഡോക്ടർ സംശയം പ്രകടിപ്പിച്ചതിനു പിന്നാലെയാണ് സംഭവത്തിൽ പട്ടണക്കാട് പൊലീസ് ഹരിദാസിനെ കസ്റ്റഡിയിലെടുത്തത്. ഇയാളെ ചോദ്യം ചെയ്തതിന്റെ അടിസ്ഥാനത്തിലാണ് പൊലീസ് കൊലപാതകം എന്ന നിഗമനത്തിലേക്ക് എത്തിയത്. സുമിയുടെ സംസ്കാരം ഇന്നലെ വൈകിട്ട് നടന്നു.
