കിണർ വൃത്തിയാക്കുന്നതിനിടെ തെന്നിവീണു ; മധ്യവയസ്കന് ദാരുണാന്ത്യം

കൊച്ചി: അങ്കമാലിയിൽ കിണർ വൃത്തിയാക്കുന്നതിനിടെ തെന്നി വീണ് മധ്യവയസ്കന് ദാരുണാന്ത്യം. കാഞ്ഞൂർ സ്വദേശി വടക്കൻ വീട്ടിൽ ജിനു(44)വാണ് മരിച്ചത്. കിണറിലെ ചെളി കോരുന്നതിനിടെ പാറയിൽ തലയടിച്ചു വീഴുകയായിരുന്നു. ഇന്ന് രാവിലെയാണ് അപകടം ഉണ്ടായത്. മൃതദേഹം അങ്കമാലി എല്‍ എഫ് ആശുപത്രി മോർച്ചറിയിലേക്ക് മാറ്റി.