കൊടുവള്ളിയിൽ വൻ കഞ്ചാവ് വേട്ട
കൊടുവള്ളി: കോഴിക്കോട് വൻ കഞ്ചാവ് വേട്ട. കൊടുവള്ളിയില്‍ 53 കിലോ കഞ്ചാവുമായി ഒരാള്‍ പൊലീസിന്റെ പിടിയിലായി. കണ്ണൂർ മട്ടന്നൂർ സ്വദേശി അഷ്റഫ് ആണ് പിടിയിലായത്. താമരശ്ശേരി ഡിവൈഎസ്പിയുടെ നേതൃത്വത്തിലുള്ള പ്രത്യേക സ്‌ക്വാഡ് ആണ് ഇയാളെ പിടികൂടിയത്.ബൊലേറോ ജീപ്പില്‍ പ്രത്യേക അറകള്‍ തയ്യാറാക്കിയാണ് കഞ്ചാവ് കടത്തിയിരുന്നത്.രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഇന്ന് പുലർച്ചയോടെ കഞ്ചാവ് പിടികൂടിയത്. പ്രതിയെ കൊടുവള്ളി പോലീസ് സ്റ്റേഷനില്‍ എത്തിച്ച്‌ ചോദ്യം ചെയ്തു വരികയാണ്. സംഘത്തിലെ മറ്റുള്ളവരെക്കുറിച്ചും പോലീസിന് സൂചന ലഭിച്ചിട്ടുണ്ട്.
