ബെംഗളൂരുവില്‍ മലയാളി വിദ്യാര്‍ത്ഥിനി ആത്മഹത്യ ചെയ്തു
ബെംഗളൂരു: ബെംഗളൂരു സൊലദേവനഹള്ളിയിലെ ആചാര്യ ഇന്‍സ്റ്റിറ്റ്യൂട്ടില്‍ മലയാളി വിദ്യാര്‍ത്ഥിനിയായിരുന്ന 21 കാരി ആത്മഹത്യ ചെയ്തു. മലയാളിയായ ലക്ഷ്മി മിത്ര ആണ് മരിച്ചത്.ഇന്നലെ ഉച്ചയ്ക്ക് ഒന്നേമുക്കാലോടെ കോളേജ് കെട്ടിടത്തിന്റെ നാലാം നിലയില്‍ നിന്ന് വിദ്യാര്‍ത്ഥിനി ചാടുകയായിരുന്നു. ബിബിഎ ഏവിയേഷന്‍ വിദ്യാര്‍ത്ഥിനിയായിരുന്നു ലക്ഷ്മി. ഉടന്‍ തന്നെ തൊട്ടടുത്ത ആശുപത്രിയിലെത്തിച്ചെങ്കിലും ജീവന്‍ നഷ്ടമായി. മാതാപിതാക്കളെ വിവരമറിയിച്ചിട്ടുണ്ട്. നിലവില്‍ അസ്വാഭാവിക മരണത്തിന് കേസെടുത്തിട്ടുണ്ടെന്നും പൊലീസ് അറിയിച്ചു.
