കടയിൽ നിന്ന് വാങ്ങിയ സമൂസയില് നിന്നും പല്ലി ; ഉദ്യോഗസ്ഥര് കടയിലെത്തി പരിശോധന നടത്തി.

തൃശ്ശൂർ : കടയിൽ നിന്ന് വാങ്ങിയ സമൂസയില് നിന്നും പല്ലി . തൃശ്ശൂർ ഇരിങ്ങാലക്കുട ബസ് സ്റ്റാൻ്റിനു സമീപം കൂടല്മാണിക്യം റോഡില് പ്രവര്ത്തിക്കുന്ന ‘ബബിള് ടീ’ എന്ന പേരിൽ പ്രവർത്തിക്കുന്ന കടയില് നിന്ന് വാങ്ങിയ സമൂസയില് നിന്നാണ് പല്ലിയെ കിട്ടിയതായി പരാതി വന്നിരിക്കുന്നത്.
ആനന്ദപുരം സ്വദേശി തോണിയില് വീട്ടില് സിനി രാജേഷും മകനുമാണ് കടയിൽ നിന്നും ചായ കുടിച്ച ശേഷം മകള്ക്കായി രണ്ട് സമൂസ പാഴ്സല് വാങ്ങിയത്. വീട്ടിലെത്തി മകള് സമൂസ കഴിക്കുന്നതിനിടെയാണ് സമൂസയ്ക്കുള്ളില് നിന്നും പല്ലിയെ കണ്ടതെന്ന് സംഭവത്തിൽ അമ്മ സിനി പറഞ്ഞു.
ദ്രവിച്ചു തുടങ്ങിയ പല്ലിയെയാണ് സമൂസയ്ക്കുള്ളിൽ കണ്ടെത്തിയത്. ഉടന് തന്നെ ഭർത്താവ് രാജേഷ് ഇരിങ്ങാലക്കുട ആരോഗ്യ വിഭാഗത്തില് പരാതി നൽകുകയും. ഇതോടെ ആരോഗ്യ വിഭാഗം ഉദ്യോഗസ്ഥര് കടയിലെത്തി പരിശോധന നടത്തുകയായിരുന്നു