കുന്ദമംഗലം :കെ എസ് ആർ ടി ബസും ബൈക്കും കൂട്ടിയിടിച്ച് അപകടം. ബൈക്ക് യാത്രികന് ദാരുണാന്ത്യം. താമരശ്ശേരി ചമൽ സ്വദേശി ജിബിൻ (22) ആണ് മരിച്ചത്. കുന്ദമംഗലം പാലക്കൽ മാളിന് മുൻവശത്ത് ചൊവ്വാഴ്ച്ച രാത്രി പതിനൊന്നോടെയാണ് അപകടം നടന്നത്. വയനാട് ഭാഗത്ത് നിന്ന് പാല എരുമേലിക്ക് പോകുന്ന കെ എസ് ആർ ടി സി ബസും, താമരശ്ശേരി ഭാഗത്തേക് പോകുന്ന ബൈക്കുമാണ് അപകടത്തിൽ പെട്ടത്. ബൈക്ക് യാത്രക്കാരൻ സംഭവസ്ഥലത്ത് വെച്ച് തന്നെ മരിച്ചു.
