കേന്ദ്ര വഖഫ് ഭേദഗതി നിയമത്തിനെതിരെ കോഴിക്കോട് അന്താരാഷ്ട്ര വിമാനത്താവളം ഉപരോധിക്കും- സോളിഡാരിറ്റി, എസ്.ഐ. ഒ സംസ്ഥാന കമ്മിറ്റി
കോഴിക്കോട് : മുസ്ലിം വംശഹത്യക്ക് കളമൊരുക്കുന്ന വഖഫ് ദോഗതി നിയമം പിൻവലിക്കുക എന്ന ആവശ്യമുന്നയിച്ചു സോളിഡാരിറ്റി യൂത്ത് മൂവ്മെന്റും, എസ്.ഐ.ഒ കേരളയും ചേർന്ന് കോഴിക്കോട് അന്താരാഷ്ട്ര വിമാനത്താവളം ഉപരോധിക്കുമെന്ന് സോളിഡാരിറ്റി സംസ്ഥാന ജനറൽ സെക്രട്ടറി ടി ഇസ്‌മാഈൽ , എസ്.ഐ ഒ സംസ്ഥാന ജനറൽ സെക്രട്ടറി സഹൽ ബാസ് എന്നിവർ സംയുക്ത വാർത്ത സമ്മേളനത്തിൽ അറിയിച്ചു. 2025 ഏപ്രിൽ 09 ബുധനാഴ്ച്ച വൈകിട്ട് 3 മണി മുതലാണ് ഉപരോധം. വിവിധ സാമൂഹിക രാഷ്ട്രീയ സംഘടന നേതാക്കൾ പരിപാടിയിൽ പങ്കെടുക്കും.
വഖഫ് ഭേദഗതി നിയമം ഇന്ത്യയിലെ മുസ്ലീങ്ങൾക്കെതിരായ വംശീയ ഉന്മൂലന നീക്കത്തിൻ്റെ തുടർച്ചയാണ്. മുസ്ലിം സമുദായത്തെ ഉന്നം വച്ചുകൊണ്ട് സംഘപരിവാർ ഭരണകൂടം കൊണ്ട് വന്ന പൗരത്വ ഭേദഗതി നിയമം, മുത്തലാഖ് നിയമം, ഏകസിവിൽ കോഡ് തുടങ്ങിയ നിയമങ്ങളുടെ തുടർച്ചയാണീ വഘഫ് ഭേദഗതി നിയമവും എന്നതിൽ യാതൊരു സംശയവുമില്ല. മുസ്ലിം സമുദായം സ്വന്തമായി അധ്വാനിച്ചുണ്ടാക്കുകയും ദൈവപ്രീതി ലക്ഷ്യം വെച്ച് സാമൂഹ്യ പുരോഗതിക്കായി ദാനം നൽകുകയും ചെയ്‌ത വഖഫ് സ്വത്തുക്കൾ അന്യായമായി കൈയേറാനുള്ള ആർ.എസ്.എസ് നീക്കമാണ് നിയമനിർമാണത്തിലൂടെ നടക്കുന്നത്. ബാബരി മസ്‌ജിദ് തകർത്തത് കർസേവകരാണെങ്കിൽ മുസ്ലിം സമുദായത്തിനവകാശപ്പെട്ട ആയിരകണക്കിന് പള്ളികളെയും വസ്തുവകകളെയും നിയമം മൂലം കൈക്കലാക്കാനുള്ള വംശീയ പദ്ധതിയാണ് വഖഫ് ബിൽ
അതിനാൽ തന്നെ മുസ്ലിം സമുദായത്തിൻ്റെ അസ്ഥിത്വത്തെ തകർക്കുന്ന വഖഫ് ഭോഗതി നിയമത്തിനെതിരെ അതിശക്തമായ പ്രക്ഷോഭത്തിനു സോളിഡാരിറ്റിയും 810 വും നേതൃത്യം നൽകുമെന്ന് ഇരുവരും പറഞ്ഞു. മുസ്ലിം സമുദായത്തിന്റെ ഭരണഘടനാ അവകാശങ്ങൾക്ക് മേലുള്ള വംശീയ ഭരണകൂടത്തിന്റെ കയ്യേറ്റത്തെ ജനാധിപത്യ രീതിയിലുള്ള എല്ലാ പ്രക്ഷോഭ സാധ്യതകളേയും ഉപയോഗപ്പെടുത്തി ചെറുത്ത് തോൽപ്പിക്കുക തന്നെ ചെയ്യും. ജനാധിപത്യ സംവിധാനങ്ങൾ വംശീയ നടപ്പാക്കാനുള്ള ഭരണകൂട ഉപകരണങ്ങളാകുമ്പോൾ നീതിക്ക് വേണ്ടി തെരുവിൽ പ്രതിരോധം തീർക്കാൻ മുഴുവൻ ജനാധിപത്യ വിശ്വാസികളും മുന്നിട്ടിറങ്ങണമെന്ന് ഇരുവരും ആവശ്യപ്പെട്ടു.
