ഡ്യൂട്ടിക്കിടെ കുഴഞ്ഞ് വീണ് ഹോം ഗാർഡ് മരിച്ചു
കണ്ണൂർ : ശ്രീകണ്ഠപുരം ബസ് സ്റ്റാൻഡിൽ ഡ്യൂട്ടിക്കിടെ കുഴഞ്ഞ് വീണ് ഹോം ഗാർഡ് മരിച്ചു. സംഭവത്തിൽ കാഞ്ഞിലേരി മൊളൂർ സ്വദേശി പ്രഭാകരൻ (58) ആണ് മരിച്ചത്. ഉടൻ നാട്ടുകാരും ബസ് തൊഴിലാളികളും പൊലിസും ചേർന്ന് സമീപത്തെ സ്വകാര്യ ആശുപത്രിയിലും നില ഗുരുതരമായതിനെ തുടർന്ന് പ്രാഥമിക ചികിത്സ നൽകിയതിനു ശേഷം കണ്ണൂരിലെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല. മൃതദേഹം ആശുപത്രി മോർച്ചറിയിലേക്ക് മാറ്റി.
