കിഫ്ബി റോഡുകളില് നിന്ന് ടോള് പിരിക്കാനുള്ള സര്ക്കാര് തീരുമാനം അനുവദിക്കില്ല; വി ഡി സതീശന്

തിരുവനന്തപുരം: കിഫ്ബി റോഡുകളില് നിന്ന് ടോള് പിരിക്കാനുള്ള സര്ക്കാര് തീരുമാനം അനുവദിക്കില്ലെന്ന് പ്രതിപക്ഷ നേതാവ് വി ഡി സതീശന് പറഞ്ഞു. ഇതിനെതിരെ ശക്തമായ ജനകീയ പ്രക്ഷോഭമുണ്ടാകുമെന്നും. സര്ക്കാരിന്റെ ധൂര്ത്തും അഴിമതിയും പിന്വാതില് നിയമനങ്ങളുമാണ് സംസ്ഥാനത്തെ ധനപ്രതിസന്ധിക്ക് കാരണമെന്നും അദ്ദേഹം പറഞ്ഞു. ഇതെല്ലാം ജനങ്ങള്ക്ക് മേല് വിവിധ മാര്ഗ്ഗങ്ങളിലൂടെ അടിച്ചേല്പ്പിക്കാനാണ് സര്ക്കാര് ഇപ്പോള് ശ്രമിക്കുന്നതെന്നും അദ്ദേഹം ആരോപിച്ചു.
വന്കിട പദ്ധതികളുടെ നടത്തിപ്പിനായി വിഭാവനം ചെയത കിഫ്ബി പക്ഷെ പൊതുമരാമത്ത് വകുപ്പ് ചെയ്തുകൊണ്ടിരുന്ന സാധാരണ പ്രവൃത്തികളാണ് നടത്തിക്കൊണ്ടിരിക്കുന്നത്. സംസ്ഥാനത്തെ സഞ്ചിതനിധിയില് നിന്നാണ് കിഫ്ബിക്ക് പണം നല്കിക്കൊണ്ടിരിക്കുന്നത്. അതുകൊണ്ടു തന്നെ ജനങ്ങളുടെ നികുതി പണം ഉപയോഗിച്ച് പണിയുന്ന റോഡുകള്ക്കും പാലങ്ങള്ക്കും ടോള് ചുമത്തുന്നത് വഞ്ചനയും നീതികേടുമാണ് വി ഡി സതീശന് വ്യക്തമാക്കി.
കിഫ്ബിയിലെ തെറ്റായ ധനകാര്യ മാനേജ്മെന്റും ധൂര്ത്തും വരുത്തിവച്ച ബാധ്യതയുടെ പാപഭാരമാണ് ജനങ്ങളുടെ തലയില് ചുമത്താന് ശ്രമിക്കുന്നതെന്നും അദ്ദേഹം ചൂണ്ടിക്കാട്ടി.