രാജസ്ഥാൻ : കുഴൽക്കിണറിൽ കുടുങ്ങി അഞ്ചു വയസുകാരൻ മരിച്ചു. തിങ്കളാഴ്ച വൈകുന്നേരമാണ് അഞ്ചുവയസ്സുകാരന് ആര്യന് അപകടത്തില്പ്പെട്ടത്. 56 മണിക്കൂറുകൾ നീണ്ട ദൌത്യത്തിനൊടുവിലാണ് കുട്ടിയെ പുറത്തെടുത്തത്. എന്നാൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കുട്ടി കാളീഘാട്ട് ഗ്രാമത്തിലെ ഒരു ഫാമില് കളിക്കുകയായിരുന്നു. ഇതിനിടയിലാണ് തുറന്ന കുഴല്ക്കിണറില് വീണത്. കയറും മറ്റ് ഉപകരണങ്ങളും ഉപയോഗിച്ച് കുട്ടിയെ പുറത്തെടുക്കാന് ശ്രമിച്ചെങ്കിലും ഫലം കണ്ടില്ല. പൈപ്പ് വഴി ഓക്സിജന് വിതരണം ചെയ്താണ് കുട്ടിയുടെ ജീവന് നിലനിര്ത്തിയത്.
ദേശീയ ദുരന്ത നിവാരണ സേന (എന്ഡിആര്എഫ്), സംസ്ഥാന ദുരന്ത നിവാരണ സേന (എസ്ഡിആര്എഫ്), സിവില് ഡിഫന്സ് ടീമുകളും സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി.
രാജസ്ഥാന് മന്ത്രിയും ബിജെപി നേതാവുമായ കിരോഡി ലാല് മീണ സംഭവസ്ഥലത്തെത്തി ആര്യന്റെ ആരോഗ്യനില ക്യാമറയിലൂടെ നിരീക്ഷിച്ചിരുന്നു.
