പെരുമണ്ണയിൽ ആക്രി കടയ്ക്ക് തീ പിടിച്ചു

കോഴിക്കോട്: പെരുമണ്ണയിൽ വൻ തീപിടിത്തം. ഹോട്ടലിലും സമീപത്തെ ആക്രിക്കടയിലുമാണ് തീപിടിത്തമുണ്ടായിരിക്കുന്നത്. സംഭവത്തിൽ ആക്രിക്കട പൂർണമായും കത്തി നശിച്ചു . ഫയർഫോഴ്സിന്റെ ഏഴ് യൂണിറ്റുകൾ എത്തിയാണ് തീയണക്കുന്നത്. കൂടാതെ തീപിടിത്തം കണ്ട് സമീപത്തെ കെട്ടിടത്തിൽ നിന്ന് ചാടിയ ഇതരസംസ്ഥാന തൊഴിലാളിക്ക് പരിക്കേറ്റു.
ഹോട്ടലിന്റെ പുറകുവശത്ത് നിന്നാണ് തീ കത്തിപ്പടർന്നിരിക്കുന്നത്. സമീപത്തുള്ള പള്ളിയിലേക്കും തീ പടർന്നു. പള്ളിക്കും ചെറിയ കേടുപാടുകൾ സംഭവിക്കുകയും ചെയ്തു. മീഞ്ചന്ത, വെള്ളിമാട് കുന്ന് ഫയർസ്റ്റേഷനുകളിൽ നിന്ന് എഴോളം യൂണിറ്റുകൾ എത്തി തീയണക്കുകയാണ്