കുടുംബാസൂത്രണം മനുഷ്യരില് മാത്രം പോര. വന്യജീവികളിലും വേണം; മന്ത്രി കെ എന് ബാലഗോപാല്

തിരുവനന്തപുരം: മനുഷ്യര്ക്ക് ശല്യമാകുന്ന വന്യജീവികളെ കൊല്ലണമെന്ന് ധനമന്ത്രി കെ എന് ബാലഗോപാല് പറഞ്ഞു . ഇതിന് കേന്ദ്രം നിയമ നിര്മാണം നടത്തണമെന്നും. പ്രതിരോധ മാര്ഗങ്ങള് പരാജയമാണെന്നും അദ്ദേഹം വ്യക്തമാക്കി. വേലി കെട്ടിയാലോ, മതില് ഉണ്ടാക്കിയാലോ മറ്റൊരു വഴിയിലൂടെ മൃഗങ്ങള് എത്തുമെന്നും വന്യമൃഗങ്ങളെ കൊല്ലുകയാണ് പരിഹാരമെന്നും മന്ത്രി പറഞ്ഞു.
വിദേശ രാജ്യങ്ങളില് ആന, മുതല എന്നീ മൃഗങ്ങളെ വരെ ഇറച്ചിയാക്കി വില്ക്കുന്നുണ്ട്. കുടുംബാസൂത്രണം മനുഷ്യരില് മാത്രം പോര. വന്യജീവികളിലും ജനന നിയന്ത്രണം വേണമെന്നും മന്ത്രി വ്യക്തമാക്കി. അതേസമയം കിഫ്ബി റോഡുകളില് ടോള് ഏര്പ്പെടുത്തുമെന്ന വാര്ത്തകള് ധനകാര്യ മന്ത്രി കെ എന് ബാലഗോപാല് നിഷേധിച്ചു.