പടക്കനിര്മാണ ശാലയില് പൊട്ടിത്തെറി; മൂന്ന് പേര്ക്ക് പരിക്ക്
തിരുവനന്തപുരം: പാലോട് പടക്കനിര്മാണ ശാലയിൽ പൊട്ടിത്തെറി. മൂന്ന് പേര്ക്ക് പരിക്ക്. നന്ദിയോട് പേരയം താളിക്കുന്നിലെ ആൻ ഫയർ വർക്സിലാണ് സംഭവം. ഷീബ, അജിത, മഞ്ജു എന്നിവര്ക്കാണ് പരിക്കേറ്റിരിക്കുന്നത്. മൂവരും പടക്ക നിര്മ്മാണശാലയിലെ തൊഴിലാളികളാണെന്നാണ് സൂചന. ഇതില് ഷീബയുടെ നില ഗുരുതരമാണ്. പടക്കം കെട്ടുന്നതിനിടെ പൊട്ടിത്തെറിക്കുകയായിരുന്നു. മൂന്നു പേരെയും മെഡിക്കല് കോളേജിലേക്ക് മാറ്റി. അജിത് കുമാർ എന്നയാളുടേതാണ് പടക്ക നിർമാണ ശാല. സംഭവത്തിൽ പാലോട് പൊലീസ് സ്ഥലത്തെത്തി.
