ഏറ്റുമാനൂരിൽ വീട്ടമ്മയും മക്കളും ആത്മഹത്യ ചെയ്ത സംഭവം: ഭർത്താവിനെതിരെ കൂടുതൽ വിവരങ്ങൾ

കോട്ടയം: ഏറ്റുമാനൂരിൽ അമ്മയുടെയും പെൺമക്കളുടേയും ആത്മഹത്യയിൽ കൂടുതൽ വിവരങ്ങൾ പുറത്ത്. ഷൈനിയുടെയും മക്കളുടെയും ആത്മഹത്യയിലേക്ക് നയിച്ചത് ഭർത്താവ് നോബിയുടെ പ്രകോപനമെന്ന് പൊലീസ് നിഗമനം. ഷൈനി മരിക്കുന്നതിന് തലേന്ന് മദ്യ ലഹരിയിൽ നോബി ഫോണിൽ വിളിച്ചു എന്നും. വിവാഹമോചന കേസിൽ സഹകരിക്കില്ലെന്നും. കുട്ടികളുടെ ചെലവിനുള്ള പണം തരില്ലെന്നും സ്ത്രീധനമായി നൽകിയ പണവും സ്വർണവും തരില്ലെന്നും അറിയിച്ചതായും പൊലീസ് കണ്ടെത്തി. പൊലീസിന്‍റെ ചോദ്യം ചെയ്യലിൽ ഫോൺ വിളിച്ച കാര്യങ്ങൾ നോബി സമ്മതിക്കുകയും ചെയ്തു. നോബിക്കെതിരെയുള്ള ഗാർഹിക പീഡന കേസ് എടുക്കുമെന്ന് പൊലീസ് വ്യക്തമാക്കി.