പത്തനംതിട്ട: മദ്യപിച്ച് ബഹളം വെച്ചു. ശബരിമല ഡ്യൂട്ടിക്കെത്തിയ എസ്ഐയെ തിരിച്ചയച്ചു. ഇന്നലെ രാത്രി 12 മണിയോടൊണ് സംഭവം നടന്നത്.എംഎസ്പി ക്യാംപിലെ എസ്ഐ പത്മകുമാറിനെയാണ് തിരിച്ചയച്ചത്. വൈദ്യപരിശോധനയിൽ മദ്യപിച്ചതായി കണ്ടെത്തി.
മദ്യപിച്ചെത്തിയ ആൾ ബഹളമുണ്ടാക്കുന്നുവെന്ന് ഹോട്ടലുകാരാണ് പൊലീസ് ഉദ്യോഗസ്ഥരെ അറിയിച്ചത്. തുടർന്ന് പൊലീസെത്തി ഇദ്ദേഹത്തെ കസ്റ്റഡിയിലെടുത്തു. പിന്നീടാണ് പൊലീസ് ഉദ്യോഗസ്ഥനാണന്ന് മനസിലായത്. സംഭവത്തെക്കുറിച്ച് ഡിജിപിക്ക് റിപ്പോർട്ട് നൽകിയെന്നും. പൊലീസ് ഉദ്യോഗസ്ഥനെതിരെ വകുപ്പുതല നടപടിക്ക് സാധ്യതയുണ്ടെന്നും അധികൃതർ അറിയിച്ചു.
