സാമൂഹ്യസുരക്ഷ ക്ഷേമ നിധി പെന്ഷന് വിതരണം ജൂലൈ 24 ന് തുടങ്ങും
തിരുവനന്തപുരം: സാമൂഹ്യസുരക്ഷ ക്ഷേമ നിധി പെന്ഷന് ഒരു ഗഡു വിതരണം ജൂലൈ 24 ന് ബുധനാഴ്ച തുടങ്ങുമെന്ന് ധനമന്ത്രി കെ.എന്.ബാലഗോപാല് അറിയിച്ചു. 1600 രൂപ വീതമാണ് ഗുണഭോക്താക്കള്ക്ക് ലഭിക്കുക. ഇതിനായി 900 കോടി രൂപ ധനകാര്യ വകുപ്പ് അനുവദിച്ചു. പതിവുപോലെ ബാങ്ക് അക്കൗണ്ട് നമ്പര് നല്കിയിട്ടുള്ളവര്ക്ക് അക്കൗണ്ട് വഴിയും, മറ്റുള്ളവര്ക്ക് സഹകരണ സംഘങ്ങള് വഴി നേരിട്ടു വീട്ടിലും പെന്ഷന് എത്തിക്കും. പെന്ഷന് മുടങ്ങിയതില് വലിയ പ്രതിഷേധവും തിരിച്ചടിയും നേരിട്ടതോടെ അതാത് മാസം പെന്ഷന് വിതരണത്തിന് നടപടി സ്വീകരിക്കുമെന്ന് ഈ വര്ഷത്തെ ബജറ്റില് പ്രഖ്യാപിച്ചിരുന്നു.
