സിഎംആര്‍എല്‍ കേസ്: എസ്എഫ്ഐഒ റിപ്പോര്‍ട്ട് തുടര്‍നടപടി പാടില്ലെന്ന് ഹൈക്കോടതി
കൊച്ചി: സിഎംആര്‍എല്‍- എക്സാലോജിക് വിഷയത്തില്‍ എസ്എഫ്ഐഒ റിപ്പോര്‍ട്ടില്‍ കോടതിയുടെ തുടര്‍നടപടി നിര്‍ത്തിവയ്ക്കണമെന്നും സമന്‍സ് അയക്കാന്‍ പാടില്ലെന്നും ഉത്തരവിട്ട് ഹൈക്കോടതി. രണ്ടുമാസത്തേക്കാണ് തുടര്‍നടപടികള്‍ തടഞ്ഞത്.
സിഎംആര്‍എല്‍- എക്സാലോജിക് കരാറിനെതിരായ എസ്എഫ്ഐഒ നടപടി ചോദ്യം ചെയ്ത് സിഎംആര്‍എല്‍ നല്‍കിയ ഹര്‍ജിയിലാണ് ഹൈക്കോടതിയുടെ ഉത്തരവ്. സിഎംആര്‍എല്ലിനോടും കേന്ദ്ര സര്‍ക്കാരിനോടും സത്യവാങ്മൂലം സമര്‍പ്പിക്കാനും കോടതി ഇടക്കാല ഉത്തരവിട്ടിട്ടുണ്ട്.
