കോഴിക്കോട് : പേരാമ്പ്ര സെന്റ് ഫ്രാൻസിസ് ചർച്ചിന് സമീപം ബസ് ബൈക്കിലിടിച്ചു വിദ്യാർത്ഥിക്ക് ഗുരുതര പരിക്ക്. ഉച്ചക്ക് 2 മണിയോടെ ആണ് സംഭവം ഉണ്ടായത്. അപകടത്തിൽ മുളിയങ്ങൽ ചെക്യലത്ത് ഷാദിലിലാണ് പരിക്കേറ്റത്.
കോഴിക്കോട് നിന്നും നാദാപുരത്തെക്ക് പോകുകയായിരുന്ന സേഫ്റ്റി ബസ് ആണ് ഷാദിൽ സഞ്ചരിച്ച ബുള്ളറ്റ് ബൈക്കിൽ ഇടിച്ചത്. പേരാമ്പ്ര ഡിഗ്നിറ്റി കോളജിൽ രണ്ടാം വർഷ ഡിഗ്രി വിദ്യാർഥിയാണ് ഷാദിൽ. പരീക്ഷ എഴുതി വീട്ടിലേക്കു പോകും വഴിയാണ് അപകടം. ഇടിച്ച ശേഷം ബസ് ബൈക്കിനെ 10 മീറ്ററോളം വലിച്ചിഴച്ച ശേഷമാണ് നിന്നത്.
Close
