കാണാതായ 16 കാരന്റെ മൃതദേഹം കിണറ്റിൽ നിന്നും കണ്ടെത്തി
തിരുവനന്തപുരം: വെഞ്ഞാറമൂട് നിന്നും കാണാതായ 16 കാരന്റെ മൃതദേഹം വീടിന് സമീപത്തുള്ള കിണറ്റിൽ നിന്നും കണ്ടെത്തി. വെഞ്ഞാറമൂട് തൈക്കാട് മുളം കുന്ന് ലക്ഷം വീട്ടിൽ അനിൽ കുമാറിന്റെയും മായയുടെയും മകനായ അർജുന്റെ മൃതദേഹമാണ് കണ്ടെത്തിയിരിക്കുന്നത്. തിങ്കളാഴ്ച വൈകിട്ട് മുതൽ ആണ് കുട്ടിയെ കാണാതായത്. വെഞ്ഞാറമൂട് പോലീസ് സ്റ്റേഷനിൽ കുടുംബം പരാതി നൽകിയിരുന്നു. ഇന്ന് രാവിലെയാണ് സമീപത്തെ ആളൊഴിഞ്ഞ വീട്ടിലെ കിണറ്റിൽ നിന്നും മൃതദേഹം കണ്ടെത്തിയത്.
