‘രേഖാചിത്രം’ ഫസ്റ്റ് ലുക്ക് പോസ്റ്റര് എത്തി
ദി പ്രീസ്റ്റ് എന്ന ചിത്രത്തിന് ശേഷം ജോഫിന് ടി ചാക്കോ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിലും ഫസ്റ്റ് ലുക്കും പുറത്തിറങ്ങി. ദുല്ഖര് സല്മാനാണ് ടൈറ്റിലും ഫസ്റ്റ് ലുക്കും സോഷ്യല് മീഡിയയിലൂടെ ലോഞ്ച് ചെയ്തത്. ആസിഫ് അലിയെയും അനശ്വര രാജനെയും കേന്ദ്ര കഥാപാത്രങ്ങളാക്കിയാണ് ചിത്രം ഒരുങ്ങുന്നത്. കാവ്യ ഫിലിം കമ്പനിയും ആന് മെഗാ മീഡിയയും ഒന്നിക്കുന്ന ചിത്രത്തിന്റെ നിര്മ്മാണം വേണു കുന്നപ്പിള്ളിയാണ്. വന് ബജറ്റില് ഒരുങ്ങുന്ന ചിത്രം നിലവില് പോസ്റ്റ് പ്രൊഡക്ഷന് ജോലികളിലാണ്.
‘മാളികപ്പുറം’, ‘2018’ എന്നീ വിജയ ചിത്രങ്ങള്ക്കും റീലീസിന് തയ്യാറെടുക്കുന്ന ‘ആനന്ദ് ശ്രീബാല’യ്ക്കും ശേഷം കാവ്യ ഫിലിം കമ്പനിയും ആന് മെഗാ മീഡിയയും ഒന്നിക്കുന്ന സിനിമയാണിത്. രാമു സുനില്, ജോഫിന് ടി ചാക്കോ എന്നിവരുടെ കഥയ്ക്ക് ജോണ് മന്ത്രിക്കല് തിരക്കഥ രചിച്ച ചിത്രത്തില് മറ്റ് കേന്ദ്ര കഥാപാത്രങ്ങളായി മനോജ് കെ ജയന്, ഭാമ അരുണ്, സിദ്ദിഖ്, ജഗദീഷ്, സായ് കുമാര്, ഇന്ദ്രന്സ്, ശ്രീകാന്ത് മുരളി, നിഷാന്ത് സാഗര്, പ്രേംപ്രകാശ്, ഹരിശ്രീ അശോകന്, സുധികോപ്പ, മേഘ തോമസ്, ‘ആട്ടം’ സിനിമയിലൂടെ കൈയടി നേടിയ സെറിന് ശിഹാബ് തുടങ്ങി വലിയൊരു താരനിര തന്നെ ചിത്രത്തിലുണ്ട്.
