Breaking
Kerala ഉദയ്പൂര്‍ കൊല; കുറ്റവാളികളെ മാതൃകപരമായി ശിക്ഷിക്കണം- വിസ്ഡം ഇസ്‌ലാമിക് ഓര്‍ഗനൈസേഷന്‍ Kozhikode കെ.രാഘവൻ മാസ്റ്റർ ഫൗണ്ടേഷൻ: വി.ടി.മുരളി പ്രസിഡണ്ട്, ടി.വി.ബാലൻ സെക്രട്ടറി Kerala എടപ്പാൾ സ്വദേശിനി റെയില്‍വേയില്‍ ജോലി വാഗ്ദാനം ചെയ്തു ലക്ഷങ്ങൾ തട്ടിയതായി പരാതി; കോഴിക്കോട്ടും ഇടനിലക്കാർ Kozhikode ബഷീർ ഫെസ്റ്റ് ജൂലൈ രണ്ടു മുതൽ അഞ്ചു വരെ Kozhikode കാമരാജ് ഫൗണ്ടേഷൻ; പി.എം. മുസമ്മിൽ പുതിയറ പ്രസിഡന്റ്, വി.എം. ആഷിക്ക് ജനറൽ സെക്രട്ടറി Kozhikode കാമരാജ് ജയന്തി വാരാഘോഷം ജൂലൈ 15 മുതൽ Local ലഹരി വിരുദ്ധ ദിനാചരണം ശ്രദ്ധേയമായി Malappuram തിരൂരങ്ങാടി, എടരിക്കോട് വില്ലേജ് ഓഫീസ് നവീകരണം; തഹസിൽദാറുമായി എം.ഡി.എഫ് നേതാക്കൾ കൂടിക്കാഴ്ച നടത്തി Business സെയ്ന്റ് ഗൊബെയിന്‍ എക്‌സ്‌ക്ലൂസീവ് മൈ ഹോം സ്‌റ്റോര്‍ കോഴിക്കോട്ട് ആരംഭിച്ചു Local പൊള്ളലേറ്റ് ചികിത്സയിൽ കഴിഞ്ഞിരുന്ന വീട്ടമ്മ മരിച്ചു

Announcements

മെറിറ്റ് സ്കോളര്‍ഷിപ്പ്

2021-22 അദ്ധ്യയന വര്‍ഷത്തിലെ പ്രൊഫഷണല്‍ കോഴ്സുകളില്‍ ഒന്നാം വര്‍ഷം ചേര്‍ന്ന വിമുക്തഭടന്മാരുടെ മക്കള്‍ക്കുള്ള പ്രധാനമന്ത്രിയുടെ മെറിറ്റ് സ്കോളര്‍ഷിപ്പിന് അപേക്ഷ ക്ഷണിച്ചു. അപേക്ഷയും അനുബന്ധ രേഖകളും www.ksb.gov.in എന്ന വെബ് സൈറ്റില്‍ ലഭ്യമാണ്. അപേക്ഷ സമര്‍പ്പിച്ചതിന്റെ പ്രിന്റ് ഔട്ട് അഞ്ച് ദിവസത്തിനകം ജില്ലാ സൈനികക്ഷേമ ഓഫീസില്‍ ലഭിക്കണം. അപേക്ഷ സമര്‍പ്പിക്കുന്നതിനുള്ള അവസാന തീയതി ജനുവരി 30. ഫോണ്‍ നമ്പര്‍ 04936 202668.

5 months, 3 weeks ago

കൗൺസലിംഗ് സൈക്കോളജി സർട്ടിഫിക്കറ്റ്/ ഡിപ്ലോമ കോഴ്‌സുകൾക്ക് അപേക്ഷിക്കാം

സ്റ്റേറ്റ് റിസോഴ്‌സ് സെന്ററിനു കീഴിൽ പ്രവർത്തിക്കുന്ന എസ് ആർ സി കമ്മ്യൂണിറ്റി കോളേജ് ഈ വർഷം ജനുവരി സെഷനിൽ നടത്തുന്ന സർട്ടിഫിക്കറ്റ്/ ഡിപ്ലോമ ഇൻ കൗൺസലിംഗ് സൈക്കോളജി കോഴ്‌സിന് അപേക്ഷ ക്ഷണിച്ചു. സർട്ടിഫിക്കറ്റ് കോഴ്‌സിന് ആറ് മാസവും ഡിപ്ലോമക്ക് ഒരു വർഷവുമാണ് കാലാവധി. ശനി/ ഞായർ/പൊതു അവധി ദിവസങ്ങളിലാകും ക്ലാസുകൾ നടക്കുക. ഇന്റേൺഷിപ്പും പ്രൊജക്ട് വർക്കും ഉണ്ടാകും. വിശദാംശങ്ങൾ www.srccc.in ൽ ലഭിക്കും. 18 വയസിനുമുകളിൽ പ്രായമുള്ളവർക്ക് അപേക്ഷിക്കാം. പൂരിപ്പിച്ച അപേക്ഷ ലഭിക്കേണ്ട അവസാന തീയതി ജനുവരി 15. ഫോൺ: 9446060641

5 months, 3 weeks ago

മെഗാ ജോബ് ഫെയർ 2022 ലേക്ക് രജിസ്റ്റർ ചെയ്യാം

കണ്ണൂർ ജില്ലാ ഭരണകൂടത്തിന്റെ നേതൃത്വത്തിൽ 2022 ജനുവരി 14ന് നടക്കുന്ന മെഗാ ജോബ് ഫെയർ 2022 ലേക്ക് തൊഴിലന്വേഷകർക്ക് ജനുവരി 10 വരെ രജിസ്റ്റർ ചെയ്യാവുന്നതാണ്. വിവിധ യോഗ്യതകൾ ഉള്ള ഉദ്യോഗാർത്ഥികൾക്ക് മേളയിൽ പങ്കെടുക്കാം. statejobportal.kerala.gov.in എന്ന വെബ്സൈറ്റിൽ രജിസ്റ്റർ ചെയ്ത് മേളയിൽ പങ്കാളികളാകാം. ജില്ലാഭരണകൂടം, ജില്ലാ പ്ലാനിംഗ് ഓഫീസ്, ജില്ല നൈപുണ്യവികസന കമ്മിറ്റി , എന്നിവയുടെ സംയുക്താഭിമുഖ്യത്തിൽ കേരള അക്കാദമി ഫോർ സ്കിൽ എക്സലൻസിന്റെ മേൽനോട്ടത്തിലാണ് കണ്ണൂർ ഗവർന്മെൻ്റ് എൻജിനീയറിങ് കോളേജിൽ വച്ച് മേള സംഘടിപ്പിക്കുന്നത്. കൂടുതൽ വിവരങ്ങൾക്ക് 9048778054 എന്ന നമ്പറിൽ ബന്ധപ്പെടണം ( രാവിലെ 10 മണി മുതൽ വൈകുന്നേരം 5 വരെ മാത്രം വിളിക്കുക )

5 months, 3 weeks ago

സീറ്റൊഴിവ്

കൊഴിഞ്ഞാമ്പാറ ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ എം.എസ്.സി മൈക്രോബയോളജി കോഴ്‌സില്‍ ലക്ഷദീപ്, പി.എച്ച് വിഭാഗങ്ങളില്‍ സീറ്റൊഴിവ്. താത്പര്യമുള്ള വിദ്യാര്‍ത്ഥികള്‍ ബന്ധപ്പെട്ട രേഖകള്‍ സഹിതം നാളെ (ജനുവരി 5 ) രാവിലെ 11 ന് മൈക്രോബയോളജി വിഭാഗത്തില്‍ എത്തണമെന്ന് പ്രിന്‍സിപ്പാള്‍ ഇന്‍ -ചാര്‍ജ് അറിയിച്ചു. ഫോണ്‍ 0492 3272883

5 months, 3 weeks ago

രജിസ്ട്രേഷൻ പുതുക്കണം

എറണാകുളം ജില്ലയിലെ എല്ലാ കടകളും വാണിജ്യ സ്ഥാപനങ്ങളും കേരള ഷോപ്പ്സ് ആൻഡ് കൊമേർഷ്യൽ എസ്റ്റാബ്ലിഷ്മെന്റസ് നിയമ പ്രകാരവും മോട്ടോർ വാഹനങ്ങൾ മോട്ടോർ ട്രാൻസ്പോർട്ട് വർക്കേഴ്‌സ് നിയമപ്രകാരവുമുള്ള രജിസ്ട്രേഷൻ ഉടൻ പുതുക്കണമെന്ന് ജില്ല ലേബർ ഓഫീസർ (എൻഫോസ്‌മെന്റ് ) അറിയിച്ചു. മേൽ പറഞ്ഞ നിയമങ്ങളനുസരിച്ച് രജിസ്ട്രേഷൻ എടുക്കാത്ത എല്ലാ സ്ഥാപനങ്ങളും രജിസ്ട്രേഷൻ എടുക്കേണ്ടതാണ്. www.lc.kerala.gov.in എന്ന വെബ്സൈറ്റ് മുഖാന്തരം ഓൺലൈൻ ആയി രജിസ്ട്രേഷനും പുതുക്കലും ചെയ്യാവുന്നതാണ്. ഈ അവസരം എല്ലാ വ്യാപാരികളും പ്രയോജനപ്പെടുത്തണം എന്ന് ജില്ലാ ലേബർ ഓഫീസർ അറിയിച്ചു. വിശദവിവരങ്ങൾക്ക് അസി. ലേബർ ഓഫീസർമാരുമായി താഴെ പറയുന്ന നമ്പരുകളിൽ ബന്ധപ്പെടാവുന്നതാണ്. എറണാകുളം ഒന്നാം സർക്കാൾ: 8547655401 എറണാകുളം രണ്ടാം സർക്കാൾ: 8547655402 കൊച്ചി ഒന്നാം സർക്കിൾ : 8547655403 കൊച്ചി രണ്ടാം സർക്കിൾ : 8547655404 നോർത്ത് പറവൂർ : കൊച്ചി ഒന്നാം സർക്കിൾ : 8547655405 ആലുവ : 8547655423 അങ്കമാലി : 8547655428 പെരുമ്പാവൂർ : 8547655433 മൂവാറ്റുപുഴ : 8547655436 കോതമംഗലം : 8547655439

5 months, 3 weeks ago

മത്സ്യബന്ധന യാനങ്ങള്‍ക്ക് മണ്ണെണ്ണ പെര്‍മിറ്റ്: സംയുക്ത പരിശോധന 16ന്

ജില്ലയിലെ പരമ്പരാഗത മത്സ്യബന്ധന യാനങ്ങള്‍ക്കു നിലവിലുളള മണ്ണെണ്ണ പെര്‍മിറ്റുകളുടെ സംയുക്ത പരിശോധന ജനുവരി 16-ന് രാവിലെ എട്ടുമുതല്‍ വൈകിട്ട് അഞ്ചുവരെ നടത്തും. അപേക്ഷ സമര്‍പ്പിക്കുന്നതിനുളള അവസാന തീയതി ജനുവരി എട്ട് വൈകിട്ട് അഞ്ചുവരെ. അപേക്ഷാ ഫോറം ജില്ലയിലെ മത്സ്യ ഭവനുകളിലും മത്സ്യഫെഡ് ഓഫീസികളില്‍ നിന്നും ലഭിക്കും. അപേക്ഷയോടൊപ്പം യാന രജിസ്ട്രേഷന്‍ സര്‍ട്ടിഫിക്കറ്റ്, മത്സ്യബന്ധന ലൈസന്‍സ്, എഫ്‌ഐഎംഎസ് രജിസ്ട്രേഷന്‍ നമ്പര്‍, റേഷന്‍ കാര്‍ഡ്, മത്സ്യബോര്‍ഡ് പാസ്ബുക്ക് എന്നിവ ഹാജരാക്കണം. അപേക്ഷകള്‍ സ്വീകരിക്കുന്നതു ചെല്ലാനം, ഞാറയ്ക്കല്‍, മുനമ്പം, എറണാകുളം എന്നീ മത്സ്യഭവനുകളില്‍ മാത്രം. പരിശോധനയ്ക്കു ഹാജരാക്കുന്ന വളളങ്ങളും എഞ്ചിനുകളും വൈകിട്ട് അഞ്ചിനു ശേഷം മാത്രമേ നിര്‍ദ്ദിഷ്ട പരിശോധനാ സ്ഥലത്തു നിന്നും കൊണ്ടുപോകാന്‍ അനുവദിക്കുകയുളളൂ. വനിതാ കമ്മീഷന്‍ സിറ്റിംഗ് വനിതാ കമ്മീഷന്‍ ജനുവരി 10, 11 തീയതികളില്‍ എറണാകുളം ചിറ്റൂര്‍ റോഡിലുളള വൈ.എം.സി.എ ഹാളില്‍ രാവിലെ 10 മുതല്‍ കമ്മീഷന്‍ സിറ്റിംഗ് നടത്തും. ഡെപ്യൂട്ടേഷന്‍ അപേക്ഷ ക്ഷണിച്ചു സമഗ്ര ശിക്ഷാ കേരളയുടെ എറണാകുളം ജില്ലാ പ്രോജക്ട് ഓഫീസിന്റെ കീഴില്‍ പ്രവര്‍ത്തിക്കുന്ന വിവിധ ബ്ലോക്ക് റിസോഴ്സ് സെന്ററുകളില്‍ നിലവില്‍ ഒഴിവുള്ള ട്രെയിനര്‍ തസ്തികകളിലേക്കു സര്‍ക്കാര്‍ / എയ്ഡഡ് സ്‌കൂള്‍ അധ്യാപകരില്‍ നിന്നും ഡെപ്യൂട്ടേഷന്‍ വ്യവസ്ഥയില്‍ ജോലി ചെയ്യുന്നതിന് അപേക്ഷ ക്ഷണിച്ചു. എച്ച്.എസ്.എസ്.ടി/വിഎച്ച്എസ്എസ്ടി / എച്ച്.എസ്.എസ്.ടി (ജൂനിയര്‍)എച്ച്.എസ്.ടി / പ്രൈമറി ഹെഡ് മാസ്റ്റര്‍/ പ്രൈമറി ടീച്ചര്‍ എന്നീ തസ്തികകളില്‍ ജോലി ചെയ്യുന്നവര്‍ക്ക് അപേക്ഷിക്കാം. താല്‍പര്യമുള്ളവര്‍ കെ.എസ്.ആര്‍ പാര്‍ട്ട് 1 ലെ ചട്ടം 144 പ്രകാരമുള്ള സ്റ്റേറ്റ്മെന്റും ബന്ധപ്പെട്ട നിയമന അധികാരിയുടെ നിരാക്ഷേപ പത്രം ഉള്‍പ്പെടെ ജനുവരി 11-ന് രാവിലെ 10.30 ന് എറണാകുളം എസ്.ആര്‍.വി എല്‍.പി സ്‌കൂള്‍ കോമ്പൗണ്ടിലുളള എസ്.എസ്.കെ ജില്ലാ പ്രോജക്ട് ഓഫീസില്‍ ഇന്റര്‍വ്യൂവിനു ഹാജരാകണം. അപേക്ഷ ഫോം മാതൃക സമഗ്രശിക്ഷയുടെ വെബ്സൈറ്റിലും എസ്.എസ്.കെ ജില്ലാ കാര്യാലയത്തിലും ലഭിക്കും. മോട്ടോര്‍ തൊഴിലാളി ക്ഷേമനിധി ബോര്‍ഡ് മോട്ടോര്‍ തൊഴിലാളി ക്ഷേമനിധി പദ്ധതി, കേരള ഓട്ടോ മൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധി പദ്ധതി എന്നിവയില്‍ അംഗങ്ങളായ കുടിശിക വരുത്തിയ തൊഴിലാളികള്‍ക്കു പലിശ സഹിതം കുടിശിക ഒടുക്കുന്നതിന് 2022 മാര്‍ച്ച് 31 വരെ സമയം അനുവദിച്ചിട്ടുണ്ടെന്നും അതോടൊപ്പം മോട്ടോര്‍ തൊഴിലാളി ക്ഷേമനിധി പദ്ധതില്‍ അംഗങ്ങളായ തൊഴിലാളികളുടെ മക്കള്‍ക്കുളള 2021-22 കാലയളവിലെ സ്‌കോളര്‍ഷിപ്പ് അപേക്ഷകള്‍ സ്വീകരിക്കുന്ന അവസാന തീയതി ജനുവരി 31 വരെ ദീര്‍ഘിപ്പിച്ചിട്ടുണ്ടെന്നും ചീഫ് എക്സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ 0484-2401632. സൗജന്യ കോഴ്‌സുകളിലേക്ക് അപേക്ഷകള്‍ ക്ഷണിച്ചു കലൂര്‍ ജവഹര്‍ലാല്‍ നെഹ്‌റു സ്റ്റേഡിയത്തില്‍ പ്രവര്‍ത്തിക്കുന്ന മോഡല്‍ ഫിനിഷിങ്ങ് സ്‌കൂളില്‍ ജനുവരിയില്‍ ആരംഭിക്കുന്ന ഫീല്‍ഡ് ടെക്‌നീഷ്യന്‍-അതര്‍ ഹോം അപ്ലയന്‍സസ് കോഴ്‌സിലേക്ക് അപേക്ഷകള്‍ ക്ഷണിക്കുച്ചു. മുന്‍സിപ്പാലിറ്റി/കോര്‍പ്പറേഷനിലെ സ്ഥിര താമസക്കാരും ബി.പി.എല്‍ വിഭാഗത്തില്‍പ്പെട്ടവരോ അല്ലെങ്കില്‍ ഒരു ലക്ഷം രൂപയില്‍ താഴെ വാര്‍ഷിക കുടുംബ വരുമാനമുള്ളവരോ ആയിരിക്കണം. കൂടുതല്‍ വിവരങ്ങള്‍ക്ക് 0484 2985252 എന്ന നമ്പറിലോ മോഡല്‍ ഫിനിഷിങ്ങ് സ്‌കൂള്‍ ഓഫീസുമായി ബന്ധപെടുക. മോട്ടോര്‍ തൊഴിലാളി ക്ഷേമനിധി ബോര്‍ഡ് കുടിശിക ഒടുക്കാം മോട്ടോര്‍ തൊഴിലാളി ക്ഷേമനിധി പദ്ധതി, കേരള ഓട്ടോ മൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധി പദ്ധതി എന്നിവയില്‍ അംഗങ്ങളായ കുടിശിക വരുത്തിയ തൊഴിലാളികള്‍ക്കു പലിശ സഹിതം കുടിശിക ഒടുക്കുന്നതിന് 2022 മാര്‍ച്ച് 31 വരെ സമയം അനുവദിച്ചിട്ടുണ്ടെന്നും അതോടൊപ്പം മോട്ടോര്‍ തൊഴിലാളി ക്ഷേമനിധി പദ്ധതില്‍ അംഗങ്ങളായ തൊഴിലാളികളുടെ മക്കള്‍ക്കുളള 2021-22 കാലയളവിലെ സ്‌കോളര്‍ഷിപ്പ് അപേക്ഷകള്‍ സ്വീകരിക്കുന്ന അവസാന തീയതി ജനുവരി 31 വരെ ദീര്‍ഘിപ്പിച്ചിട്ടുണ്ടെന്നും ചീഫ് എക്സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ 0484-2401632. അക്ഷയ ഊര്‍ജ്ജ അവാര്‍ഡിനുളള അപേക്ഷ തീയതി നീട്ടി അക്ഷയ ഊര്‍ജ്ജ രംഗത്ത് മികച്ച പ്രവര്‍്ത്ത നങ്ങള്‍ നടത്തിയിട്ടുള്ളവര്‍ക്ക് സംസ്ഥാന സര്‍ക്കാര്‍ നല്‍കുന്ന അവാര്‍ഡുകള്‍ക്ക് അപേക്ഷ നല്‍കുന്നതിനുളള തീയതി ജനുവരി 21 വരെ നീട്ടി. പൊതു സ്ഥാപനങ്ങള്‍, വിദ്യാഭ്യാസ സ്ഥാപനങ്ങള്‍, തദ്ദേശ സ്വയംഭരണ സ്ഥാപനങ്ങള്‍, സര്‍ക്കാര്‍ ഇതര സംഘടനകള്‍, ഗവേഷണ സ്ഥാപനങ്ങള്‍, യുവ സംരംഭകര്‍, വാണിജ്യ സംരംഭകര്‍, ചെറുകിട വ്യവസായ സ്ഥാപനങ്ങള്‍ തുടങ്ങി വിവിധ മേഖലകളിലുള്ളവര്‍ക്കാണ് സംസ്ഥാന സര്‍ക്കാര്‍ അനെര്‍ട്ട് മുഖേന അവാര്‍ഡുകള്‍ നല്‍കുന്നത്. 2019 ഏപ്രില്‍ 1 മുതല്‍ 2021 മാര്‍ച്ച് 31 വരെയുള്ള കാലയളവിലെ പ്രവര്‍ത്തനങ്ങളാണ് അവാര്‍ഡിനായി പരിഗണിക്കുന്നത്. സംസ്ഥാനതലത്തില്‍ രൂപീകരിക്കപ്പെട്ടിട്ടുള്ള മോണിട്ടറിംഗ് കമ്മിറ്റിക്കാണ് അവാര്‍്ഡ് നിര്‍്ണ്ണയിക്കുന്നത്തിനുള്ള മേല്‍്‌നോട്ട ചുമതല. അവാര്‍്ഡിനുള്ള അപേക്ഷകള്‍ പരിശോധിച്ച് അര്‍ഹനരായവരെ ശുപാര്‍ശ ചെയ്യുന്നത് ഇതിനായി നിയോഗിച്ചിട്ടുള്ള പ്രത്യേക ജഡ്ജിംഗ് കമ്മിറ്റിയാണ്. ഓരോ മേഖലയിലും അവാര്‍ഡിന് അര്‍ഹാകുന്നവര്‍ക്ക് ഒരു ലക്ഷം രൂപ വീതവും ഫലകവും പ്രശസ്തിപത്രവും നല്‍കും. ഈ രംഗത്ത് സമഗ്ര സംഭാവന നല്‍കിയ വ്യക്തികള്‍, സ്ഥാപനങ്ങള്‍ എന്നിവര്‍ക്ക് പ്രത്യേക അവാര്‍ഡ് നോമിനേഷന്‍ അടിസ്ഥാനത്തില്‍ നല്‍കും. ദേശിയ ശാസ്ത്ര ദിനമായ ഫെബ്രുവരി 28-ന് അവാര്‍ഡ് വിതരണം ചെയ്യും. അപേക്ഷ ഫോറവും മറ്റ് മാര്‍ഗനിര്‍ദേശങ്ങളും അനെര്‍ട്ടിന്റെ www.anert.gov.in എന്ന വെബ്‌സൈറ്റില്‍ ലഭ്യമാണ്. നിശ്ചിത അപേക്ഷകള്‍ ചീഫ് എക്‌സിക്യൂട്ടീവ് ഓഫീസര്‍, അനെര്‍ട്ട്, വികാസ് ഭവന്‍ പി.ഒ, തിരുവനന്തപുരം 695033 എന്ന വിലാസത്തില്‍ ജനുവരി 21 നകം ലഭിക്കണം. കൂടുതല്‍ വിവരങ്ങള്‍ക്ക് 1800 425 1803 എന്ന ടോള്‍ ഫ്രീ നമ്പറില്‍ ബന്ധപ്പെടുക.

5 months, 3 weeks ago

കൊല്ലം ജില്ലാതല നീന്തല്‍ മത്സരങ്ങള്‍ 16ന്

കൊല്ലം ജില്ലാ അക്വാട്ടിക് അസോസിയേഷന്റെ ആഭിമുഖ്യത്തില്‍ സംഘടിപ്പിക്കുന്ന ജില്ലാ ഒളിമ്പിക്‌സ് ഗെയിംസ് സീനിയേഴ്‌സ് നീന്തല്‍ മത്സരങ്ങളും ജില്ലാതല ജൂനിയര്‍/സബ് ജൂനിയര്‍ നീന്തല്‍ മത്സരങ്ങളും(ആണ്‍കുട്ടികള്‍ക്കും പെണ്‍കുട്ടികള്‍ക്കും) ജനുവരി 16 ന് രാവിലെ എട്ടു മുതല്‍ കൊല്ലം പള്ളിമുക്കിലെ അഡ്‌ലര്‍ സ്വിമ്മിംഗ് പൂളില്‍ നടക്കും. സ്വിമ്മിംഗ് ഫെഡറേഷന്‍ ഓഫ് ഇന്‍ഡ്യ രജിസ്‌ട്രേഷന്‍ ഉള്ളവര്‍ക്ക് പങ്കെടുക്കാം. എസ്.എഫ്.ഐ രജിസ്‌ട്രേഷന് ജനുവരി എട്ടുവരെ www.swimming.org.in വെബ്‌സൈറ്റ് വഴി അപേക്ഷിക്കാം. വിശദ വിവരങ്ങള്‍ 9497896596, 9447491042 എന്നീ നമ്പരുകളില്‍ ലഭിക്കും.

5 months, 3 weeks ago

അവസാന തീയതി ജനുവരി 31 വരെ നീട്ടി

കേരള മോട്ടര്‍ തൊഴിലാളി ക്ഷേമനിധി പദ്ധതിയില്‍ അംഗങ്ങളായവരുടെ മക്കള്‍ക്കുള്ള 2021-22 കാലയളവിലെ സ്‌കോളര്‍ഷിപ്പ് അപേക്ഷകള്‍ സ്വീകരിക്കുന്ന അവസാന തീയതി ജനുവരി 31 വരെ നീട്ടി. കേരള മോട്ടര്‍ തൊഴിലാളി ക്ഷേമനിധി പദ്ധതി, കേരള ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധി പദ്ധതി എന്നിവയില്‍ അംഗങ്ങളായ കുടിശ്ശിക വരുത്തിയ തൊഴിലാളികള്‍ക്ക് പലിശസഹിതം കുടിശ്ശിക ഒടുക്കുന്നതിനുള്ള അവസാന തീയതി മാര്‍ച്ച് 31 വരെയാണ്. ഫോണ്‍ : 0474 2749334.

5 months, 3 weeks ago

ഫിനാൻസ് ഓഫീസർ ഒഴിവ്

സർക്കാർ നിയന്ത്രണത്തിൽ മുട്ടത്തറയിൽ പ്രവർത്തിക്കുന്ന കോ-ഓപ്പറേറ്റീവ് അക്കാഡമി ഓപ് പ്രൊഫഷണൽ എഡ്യൂക്കേഷൻ (കേപ്പ്) ൽ സീനിയർ ഫിനാൻസ് ഓഫീസർ തസ്തികയിൽ താത്ക്കാലിക ഒഴിവുണ്ട്. അക്കൗണ്ടന്റ് ജനറലിന്റെ ഓഫീസിൽ നിന്ന് സീനിയർ ഏ.ഒ ആയോ സംസ്ഥാന / കേന്ദ്രമേഖല സ്ഥാപനങ്ങളിൽ നിന്ന് ഡി.ജി.എം / ജി.എം (ഫിനാൻസ്) തലത്തിൽ നിന്നോ വിരമിച്ചവർക്ക് അപേക്ഷിക്കാവുന്നതാണ്. പ്രായപരിധി 62 വയസ്. അപേക്ഷ ലഭിക്കുന്നതിനുള്ള അവസാന തീയതി ജനുവരി 12 വൈകുന്നേരം അഞ്ച്. അപേക്ഷ കേപ്പിന്റെ വെബ്‌സൈറ്റായ www.capekerala.org നിന്നും ഡൗൺലോഡ് ചെയ്യാവുന്നതാണ്.

5 months, 3 weeks ago

ഗസ്റ്റ് അധ്യാപക ഇന്റർവ്യു

തിരുവനന്തപുരം സർക്കാർ വനിതാ കോളേജിൽ സൈക്കോളജി വിഭാഗത്തിൽ ഗസ്റ്റ് അധ്യാപക നിയമനത്തിനുള്ള ഇന്റർവ്യു ഫെബ്രുവരി ഏഴിന് പകൽ 11നു നടത്തും.  കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടർമാരുടെ മേഖലാ ഓഫീസുകളിൽ ഗസ്റ്റ് ലക്ചറർമാരുടെ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർഥികൾ, യോഗ്യത, ജനനതീയതി, മുൻപരിചയം ഇവ തെളിയിക്കുന്നതിനുള്ള അസൽ സർട്ടിഫിക്കറ്റുകൾ, മേഖലാ ഓഫീസിൽ രജിസ്റ്റർ ചെയ്തത് തെളിയിക്കുന്നതിനുള്ള രേഖകൾ എന്നിവ സഹിതം അഭിമുഖത്തിന് ഹാജരാകണം.

5 months, 3 weeks ago

ക്വട്ടേഷന്‍ ക്ഷണിച്ചു

ആലപ്പുഴ: ഗവണ്‍മെന്‍റ് ടി.ഡി. മെഡിക്കല്‍ കോളജിലെ നെഫ്രോളജി വിഭാഗത്തിലേക്ക് സ്റ്റഡിയോ മീറ്ററും ഒര്‍ത്തോപീഡിക്സ് വിഭാഗത്തിലേക്ക് മിനി സോയും വാങ്ങുന്നതിന് പ്രത്യേകം ക്വട്ടേഷനുകള്‍ ക്ഷണിച്ചു. സ്റ്റുഡിയോ മീറ്ററിനുള്ള ക്വട്ടേഷന്‍ ജനുവരി നാലിന് ഉച്ചകഴിഞ്ഞ് രണ്ടു വരെയും മിനി സോയ്ക്കുള്ളത് അന്ന് ഉച്ചയ്ക്ക് 12 വരെയും സ്വീകരിക്കും. വിലാസം- പ്രിന്‍സിപ്പല്‍, ഗവണ്‍മെന്‍റ് ടി.ഡി. മെഡിക്കല്‍ കോളജ്, ആലപ്പുഴ. ഫോണ്‍: 0477-2282015.

6 months ago

സമയപരിധി നീട്ടി

ആലപ്പുഴ: ഐ.എച്ച്.ആര്‍.ഡിയയുടെ കരുനാഗപ്പള്ളി മോഡല്‍ പോളിടെക്നിക്കില്‍ ആറ് മാസ കോഴ്സുകളില്‍ പ്രവേശനത്തിനുള്ള സമയപരിധി ജനുവരി 10 വരെ നീട്ടീ. സര്‍ട്ടിഫിക്കറ്റ് കോഴ്സ് ഇന്‍ കംപ്യൂട്ടര്‍ നെറ്റ് വര്‍ക്ക് അഡ്മിനിസ്ട്രേഷന്‍ (സി.എന്‍.എ.), ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍ (ഡിസി.എ), സര്‍ട്ടിഫിക്കറ്റ് കോഴ്സ് ഇന്‍ ലൈബ്രറി ആന്‍റ് ഇന്‍ഫര്‍മേഷന്‍ സയന്‍സ് (സി.സി.എല്‍.ഐ.എസ്.സി) എന്നീ കോഴ്സുകളിലേക്കാണ് പ്രവേശനം. എസ്.സി, എസ്.ടി, ഒ.ഇ.സി. വിദ്യാര്‍ഥികള്‍ക്ക് ഫീസ് ഇളവ് ഉണ്ടായിരിക്കും. ഫോണ്‍: 0476-2623597, 9447488348

6 months ago

അപേക്ഷ ക്ഷണിച്ചു

അസാപ് സ്കിൽ ട്രെയിനർ എംപാനൽമെന്റ് പ്രോഗ്രാം (STEP) മുഖേന നൈപുണ്യ വികസന എക്സിക്യൂട്ടീവുകൾ- ഫിനാൻസ് സെക്ടർ എംപാനൽ ചെയ്യുന്നതിനുള്ള അപേക്ഷ ക്ഷണിച്ചു. ഫിനാൻസ് സെക്ടർ ജോലി ചെയ്യുന്ന പ്രൊഫഷണലുകൾ, ബിരുദാനന്തര ബിരുദ വിദ്യാർത്ഥികൾ, ബിരുദധാരികൾ എന്നിവരിൽ നിന്ന് ഒരു പരിശീലക സംഘം വികസിപ്പിക്കാൻ അസാപ് കേരള ലക്ഷ്യമിടുന്നു. യോഗ്യത: ബാങ്കുകൾ/എൻബിഎഫ്‌സികൾ/ഇൻഷുറൻസ്/സ്റ്റോക്ക് ബ്രോക്കിംഗ് അല്ലെങ്കിൽ മറ്റ് അനുബന്ധ മേഖലകളിൽ കുറഞ്ഞത് 3 വർഷത്തെ പ്രവർത്തന പരിചയമുള്ള ഏതെങ്കിലും ബിരുദധാരികൾ അപേക്ഷിക്കേണ്ട അവസാന തീയതി: 5 ജനുവരി 2022 കൂടുതൽ വിവരങ്ങൾക്ക് വിളിക്കു 9495999661, 9495999692 അപേക്ഷിക്കുന്നതിനും ദയവായി സന്ദർശിക്കുക: https://asapkerala.gov.in/careers/

6 months ago

സീറ്റൊഴിവ്

ഇന്‍സ്റ്റിറ്റ്യൂട്ട് ഓഫ് ലാംഗ്വേജ് ടീച്ചര്‍ എഡ്യുക്കേഷന്‍ അടൂര്‍ സെന്ററില്‍ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സിന് ഒഴിവുള്ള സീറ്റിലേക്ക് അപേക്ഷ ക്ഷണിച്ചു. പിഎസ്‌സി അംഗീകരിച്ച കോഴ്‌സിന് എസ്എസ്എല്‍സിയും, 50 ശതമാനം മാര്‍ക്കോടെ രണ്ടാം ഭാഷ ഹിന്ദിയോടുകൂടിയുള്ള പ്ലസ്ടു ഉള്ളവര്‍ക്കും അപേക്ഷിക്കാം. ഭൂഷണ്‍, സാഹിത്യവിശാരദ്, പ്രവീണ്‍, സാഹിത്യാചാര്യ, ഹിന്ദി ബിഎ, എംഎ എന്നിവയും പരിഗണിക്കും. പ്രായം 17നും 35നും മധ്യേ. പട്ടികജാതി പട്ടികവര്‍ഗക്കാര്‍ക്ക് അഞ്ച് വര്‍ഷവും മറ്റു പിന്നോക്കക്കാര്‍ക്ക് മൂന്ന് വര്‍ഷവും വയസിളവ് ലഭിക്കും. ഇ-ഗ്രാന്റ് വഴി പട്ടികജാതി, മറ്റര്‍ഹവിഭാഗത്തിന് ഫീസ് സൗജന്യം ലഭിക്കും. അപേക്ഷ ലഭിക്കേണ്ട അവസാന തീയതി ഡിസംബര്‍ 31. വിലാസം പ്രിന്‍സിപ്പല്‍, ഭാരത് ഹിന്ദി പ്രചാര കേന്ദ്രം, അടൂര്‍, പത്തനംതിട്ട ജില്ല. ഫോണ്‍:04734296496, 8547126028.

6 months ago

വാക് ഇന്‍ ഇന്റര്‍വ്യു 30 ന്

കണ്ണൂർ: ജില്ലാ ദാരിദ്ര്യ ലഘൂകരണ വിഭാഗം ഓഫീസില്‍ കരാര്‍ അടിസ്ഥാനത്തില്‍ ഐടിപി തസ്തികയിലേക്ക് താല്‍ക്കാലിക നിയമനം നടത്തുന്നു. പിഎം എ വൈ/ പിഎംകെഎസ്‌വൈ/ റര്‍ബന്‍ സ്‌കീമുകളുടെ എംഐഎസ് കൈകാര്യം ചെയ്യണം. ബിടെക് കമ്പ്യൂട്ടര്‍ സയന്‍സ് /ഐടി അല്ലെങ്കില്‍ എംസിഎ യോഗ്യതയുള്ള ഉദ്യോഗാര്‍ഥികള്‍ക്ക് വാക്-ഇന്‍ ഇന്റര്‍വ്യൂവില്‍ പങ്കെടുക്കാം. താല്പര്യമുള്ളവര്‍ ഡിസംബര്‍ 30 വൈകിട്ട് മൂന്ന് മണിക്ക് ബയോഡാറ്റയും അസ്സല്‍ സര്‍ട്ടിഫിക്കറ്റുകളും സഹിതം ദാരിദ്ര്യ ലഘൂകരണ വിഭാഗം ഓഫീസില്‍ നേരിട്ട് ഹാജരാക്കണം. ഫോണ്‍ 0497 2700143.

6 months ago

ഓട്ടോറിക്ഷ വാങ്ങാന്‍ ധനസഹായം

ഇരിട്ടി ബ്ലോക്ക് പഞ്ചായത്ത് സ്വയം തൊഴില്‍ പദ്ധതിയില്‍ ഓട്ടോറിക്ഷ വാങ്ങാന്‍ ഡ്രൈവിങ്ങ് ലൈസന്‍സുള്ള എസ് ടി വനിതകള്‍ക്ക് 70000 രൂപ ധനസഹായം നല്‍കുന്നു. കൂടുതല്‍ വിവരങ്ങള്‍ക്ക് ഇരിട്ടി ബ്ലോക്ക് പഞ്ചായത്ത് ഓഫീസുമായോ ബ്ലോക്ക് വ്യവസായ വികസന ഓഫീസറുമായോ ബന്ധപ്പെടുക. ഫോണ്‍: 0490 2491240, 9946166255.

6 months ago

ഓര്‍ഗാനിക് ഗിഫ്റ്റ് തിലാപിയ മത്സ്യങ്ങള്‍ വില്‍പനയ്ക്ക്

മലമ്പുഴ ഡാമില്‍ കൂട് മത്സ്യകൃഷിയിലൂടെ വളര്‍ത്തി വിളവെടുപ്പിന് പാകമായ ഓര്‍ഗാനിക് ഗിഫ്റ്റ് തിലാപിയ മത്സ്യങ്ങള്‍ വില്‍പനയ്ക്ക് തയ്യാറായതായി മലമ്പുഴ മത്സ്യകര്‍ഷക വികസന ഏജന്‍സി ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. 10 ടണ്ണില്‍ കൂടുതല്‍ മത്സ്യങ്ങളുണ്ട്. 50 കിലോയില്‍ കൂടുതല്‍ മത്സ്യം വാങ്ങുന്നവര്‍ക്ക് ഉചിതമായ മുന്‍ഗണന നല്‍കും. ഫോണ്‍: 9605756067, 9633920094.

6 months, 1 week ago

ന്യൂട്രീഷ്യനിസ്റ്റ് നിയമനം

വനിത ശിശു വികസന വകുപ്പിനു കീഴിലെ ന്യൂട്രീഷന്‍ ആന്റ് പാരന്റങ് ക്ലിനിക്കില്‍ ഒഴിവുള്ള ന്യൂട്രീഷ്യനിസ്റ്റ് തസ്തികയില്‍ അപേക്ഷ ക്ഷണിച്ചു. കണ്ണൂര്‍ കോര്‍പ്പറേഷന്‍, പേരാവൂര്‍ ബ്ലോക്ക് എന്നിവിടങ്ങളില്‍ ഓരോ ഒഴിവുകളാണുള്ളത്. എംഎസ്‌സി ന്യൂട്രീഷന്‍ /ഫുഡ് സയന്‍സ് /ഫുഡ് ആന്റ് ന്യൂട്രീഷന്‍ ക്ലിനിക്/ന്യൂട്രീഷന്‍. ആശുപത്രി പ്രവര്‍ത്തന പരിചയം/ഡയറ്റ് കൗണ്‍സിലിങ്, ന്യൂട്രീഷണല്‍ അസസ്‌മെന്റ്/പ്രഗ്നന്‍സി കൗണ്‍സിലിങ്, ലാക്ടേഷന്‍ കൗണ്‍സിലിങ്/തെറാപ്പിക് ഡയറ്റിങ് എന്നിവയില്‍ ആറ് മാസത്തില്‍ കുറയാത്ത പ്രവൃത്തി പരിചയം എന്നിവയാണ് യോഗ്യത. പ്രായപരിധി 21-41. സ്വയം സാക്ഷ്യപ്പെടുത്തിയ അനുബന്ധ രേഖകള്‍ സഹിതമുള്ള അപേക്ഷ ജനുവരി 15 ന് വൈകിട്ട് അഞ്ച് മണിക്കകം ജില്ലാ പ്രോഗ്രാം ഓഫീസര്‍, ജില്ലാതല ഐസിഡിഎസ് സെല്‍, സിവില്‍ സ്റ്റേഷന്‍ കണ്ണൂര്‍ -670002 എന്ന വിലാസത്തില്‍ ലഭിക്കണം. വിശദ വിവരങ്ങള്‍ അടുത്തുള്ള ശിശുവികസന പദ്ധതി ഓഫീസില്‍ ലഭിക്കും.

6 months, 1 week ago

മത്സ്യത്തൊഴിലാളി സമ്പാദ്യ സമാശ്വാസ പദ്ധതിയില്‍ അംഗങ്ങളാകാം

സംസ്ഥാന മത്സ്യവകുപ്പ് നടപ്പാക്കുന്ന മത്സ്യത്തൊഴിലാളി സമ്പാദ്യ സമാശ്വാസ പദ്ധതിയില്‍ അംഗങ്ങളാകാന്‍ ജില്ലയിലെ കടല്‍ മത്സ്യത്തൊഴിലാളികള്‍ക്ക് അവസരം. ക്ഷേമനിധി അംഗത്വ പാസ്സ് ബുക്ക്, ആധാര്‍ കാര്‍ഡ്, 2021-22ലെ ക്ഷേമനിധി വിഹിതം അടച്ച രശീത്, അപേക്ഷകന്റെ പേരില്‍ കോര്‍ ബാങ്കിംഗ് സൗകര്യമുള്ള ബാങ്കിലെ പാസ് ബുക്കിന്റെ പകര്‍പ്പ് എന്നിവ സഹിതം 2021 ഡിസംബര്‍ 27 മുതല്‍ 31 വരെയുള്ള നിശ്ചിത തീയതികളില്‍ അതത് മത്സ്യഗ്രാമങ്ങളിലെ കലക്ഷന്‍ സെന്ററുകളില്‍ നേരിട്ട് ഹാജരായി പദ്ധതിയില്‍ അംഗങ്ങളാകണം. ഉള്‍നാടന്‍ മത്സ്യത്തൊഴിലാളികള്‍ 2022 ജനുവരി 15 മുതല്‍ 30 വരെയുള്ള നിശ്ചിത തീയതികളില്‍ അതത് മത്സ്യഗ്രാമങ്ങളിലെ കലക്ഷന്‍ സെന്ററുകളില്‍ നേരിട്ട് ഹാജരായി പദ്ധതിയില്‍ അംഗങ്ങളാകാം. കടല്‍ മത്സ്യത്തൊഴിലാളികളില്‍ നിന്നും 2021 ഡിസംബറില്‍ രണ്ട് ഗഡു, (250+250 = 500 രൂപ) 2022 ജനുവരിയില്‍ രണ്ട് ഗഡു, ഫെബ്രുവരി മാസം രണ്ട് ഗഡു എന്നിങ്ങനെയും ഉള്‍നാടന്‍ മത്സ്യത്തൊഴിലാളികളില്‍നിന്നും 2022 ജനുവരിയില്‍ രണ്ട് ഗഡു, ഫെബ്രുവരിയില്‍ രണ്ട് ഗഡു, മാര്‍ച്ച് മാസം രണ്ട് ഗഡു എന്നീ രീതിയിലുമാണ് വിഹിതം സ്വീകരിക്കുക. കൂടുതല്‍ വിവരങ്ങള്‍ ബന്ധപ്പെട്ട മത്സ്യഭവന്‍ ഓഫീസുകളിലും, കണ്ണൂര്‍ ഫിഷറീസ് ഡെപ്യൂട്ടി ഡയറക്ടറുടെ ഓഫീസുകളിലും ലഭിക്കും. ഫോണ്‍: 0497 2731081 .

6 months, 1 week ago

ജാഗ്രത പാലിക്കണം

പഴശ്ശി ബാരേജിലെ ജലവിതാനം നിയന്ത്രിക്കുന്നതിനായി ഡിസംബര്‍ 28 ന് ബാരേജിന്റെ സ്പില്‍വേ ഷട്ടറുകള്‍ തുറക്കും. ഇതിനു പുറമെ ഡിസംബര്‍ 29 ന് പഴശ്ശി മുഖ്യ കനാലില്‍കൂടി ജലവിതരണം പുനരാരംഭിക്കുന്നതിനുള്ള ട്രയല്‍ റണ്ണും നടത്തും. അതിനാല്‍ ഡിസംബര്‍ 28 മുതല്‍ ബാരേജിന്റെ താഴെ ഭാഗത്തും, 29 ന് മുഖ്യകനാലിലും ജലനിരപ്പുയരുന്നതിനാല്‍ ബാരേജിന്റെ താഴ്ഭാഗം, മുഖ്യ കനാലിന്റെ ഇരുകരകള്‍ എന്നിവിടങ്ങളില്‍ 5500 മീറ്റര്‍ വരെ ദൂരത്ത് താമസിക്കുന്നവര്‍ ജാഗ്രത പാലിക്കണമെന്ന് എക്‌സിക്യുട്ടീവ് എഞ്ചിനീയര്‍ അറിയിച്ചു.

6 months, 1 week ago