മലപ്പുറത്തിന് പിന്നാലെ ചാവക്കാടും ദേശീയപാത 66 ൽ വിള്ളൽ കണ്ടെത്തി.
തൃശൂർ: മലപ്പുറത്തിന് പിന്നാലെ തൃശൂർ ചാവക്കാടും ദേശീയപാത 66 ൽ വിള്ളൽ കണ്ടെത്തി. നിർമ്മാണം പുരോഗമിക്കുന്ന മണത്തല പ്രദേശത്ത് ആണ് മേൽപ്പാലത്തിന് മുകളിൽ വിള്ളൽ കണ്ടെത്തിയിരിക്കുന്നത്. ടാറിങ് പൂർത്തിയായ റോഡിൽ അമ്പത് മീറ്ററിലേറെ നീളത്തിലാണ് വിള്ളൽ ഉണ്ടായിരിക്കുന്നത്. ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ രാത്രി എത്തി ടാറിട്ട് വിള്ളൽ മൂടുകയായിരുന്നു അധികൃതർ.
