മൊ​ഴി​ക​ൾ വി​ശ​ദ​മാ​യി പ​രി​ശോ​ധി​ച്ച​ശേ​ഷം ഇ​നി ഷൈ​നിനെ വി​ളി​പ്പി​ച്ചാ​ൽ മ​തി​യെ​ന്ന് തീരുമാനം

കൊ​ച്ചി: ല​ഹ​രി​ക്കേ​സി​ൽ അ​റ​സ്റ്റി​ലാ​യി ജാ​മ്യം കി​ട്ടി​യ ന​ട​ൻ ഷൈ​ൻ ടോം ​ചാ​ക്കോ ത​നി​ക്കെ​തി​രെ ര​ജി​സ്റ്റ​ർ ചെ​യ്ത എ​ഫ്.​ഐ.​ആ​ർ റ​ദ്ദാ​ക്കാ​ൻ കോ​ട​തി​യെ സ​മീ​പി​ക്കാൻ സാധ്യത. ശാ​സ്ത്രീ​യ പ​രി​ശോ​ധ​ന​യു​ടെ ഫ​ലം വ​ന്ന​തി​നു​ശേ​ഷം ല​ഹ​രി ഉ​പ​യോ​ഗം തെ​ളി​ഞ്ഞി​ല്ലെ​ങ്കി​ൽ കോ​ട​തി​യെ സ​മീ​പി​ക്കാ​നാ​ണ് ന​ട​ന് കി​ട്ടി​യി​ട്ടു​ള്ള നി​യ​മോ​പ​ദേ​ശം.എന്നാൽ ഷൈ​നി​നെ​തി​രെ കൂ​ടു​ത​ൽ തെ​ളി​വു​ക​ൾ ശേ​ഖ​രി​ക്കാ​നാ​ണ് പൊ​ലീ​സി​ന്‍റെ നീ​ക്കം. ഇ​തി​നാ​യി ന​ട​ന്‍റെ പ​ണ​മി​ട​പാ​ടു​ക​ളും ഫോ​ൺ​കാ​ളു​ക​ളും സംസ്ഥാനത്തിന് പുറത്തേക്ക് നടത്തിയ യാത്രകളുടെ വിവരങ്ങളും ശേഖരിക്കും.

മ​യ​ക്കു​മ​രു​ന്ന് ഉ​പ​യോ​ഗ​ത്തി​നാ​യു​ള്ള ഗൂ​ഢാ​ലോ​ച​ന​യു​ടെ ഭാ​ഗ​മാ​യാ​ണ് ഷൈ​നും മ​ല​പ്പു​റം സ്വ​ദേ​ശി അ​ഹ​മ്മ​ദ് മു​ർ​ഷാ​ദും ഹോ​ട്ട​ലി​ൽ എ​ത്തി​യ​തെ​ന്നാ​ണ് എ​ഫ്.​ഐ.​ആ​റി​ൽ വ്യ​ക്ത​മാ​ക്കി​യി​ട്ടു​ള്ള​ത്. ഇ​തി​ന്‍റെ അ​ടി​സ്ഥാ​ന​ത്തി​ൽ മു​ർ​ഷാ​ദി​നെ​യും ക​ഴി​ഞ്ഞ ദി​വ​സം ചോ​ദ്യം​ചെ​യ്തി​രു​ന്നു. ഇ​തി​നു​പു​റ​മെ ഷൈ​നു​മാ​യി ബ​ന്ധ​മു​ണ്ടെ​ന്ന് ക​രു​ത​പ്പെ​ടു​ന്ന ല​ഹ​രി ഇ​ട​പാ​ടു​കാ​ര​ൻ സ​ജീ​റി​നാ​യു​ള്ള അ​ന്വേ​ഷ​ണ​വും പൊ​ലീ​സ് ഊ‍ർ​ജി​ത​മാ​ക്കി​യി​ട്ടു​ണ്ട്.

ക​ഴി​ഞ്ഞ ദി​വ​സ​ത്തെ പോലീസ്‌ ചോ​ദ്യം​ചെ​യ്യ​ലി​ൽ സി​നി​മ മേ​ഖ​ല​യി​ൽ ല​ഹ​രി ഉ​പ​യോ​ഗം വ്യാ​പ​ക​മാ​ണെ​ന്ന് എ​ന്നാ​ൽ, ഇ​തി​ന്‍റെ ചീ​ത്ത​പ്പേ​ര് കേ​ൾ​ക്കു​ന്ന​ത് ത​നി​ക്കും മ​റ്റൊ​രു ന​ട​നും മാ​ത്ര​മാ​ണെ​ന്നും ഷൈ​ൻ പറഞ്ഞിരുന്നു. ത​ന്‍റെ അ​ക്കൗ​ണ്ടി​ൽ​നി​ന്ന് പ​ല വ്യ​ക്തി​ക​ൾ​ക്കാ​യി കൊ​ടു​ത്തി​ട്ടു​ള്ള ര​ണ്ടാ​യി​രം മു​ത​ൽ അ​യ്യാ​യി​രം രൂ​പ വ​രെ​യു​ള്ള തു​ക താ​ൻ ക​ടം കൊ​ടു​ത്ത​താ​ണെ​ന്നും ന​ട​ൻ പ​റ​ഞ്ഞി​ട്ടു​ണ്ട്. ഷൈ​ന്‍ ടോം ​ചാ​ക്കോ​യോ​ട് തി​ങ്ക​ളാ​ഴ്ച രാ​വി​ലെ 10ന്​ ​ഹാ​ജ​രാ​ക​ണ​മെ​ന്നാ​വ​ശ്യ​പ്പെ​ട്ട് നേ​ര​ത്തേ പൊ​ലീ​സ് നോ​ട്ടീ​സ് ന​ൽ​കി​യി​രു​ന്നു.എന്നാൽ മൊ​ഴി​ക​ൾ വി​ശ​ദ​മാ​യി പ​രി​ശോ​ധി​ച്ച​ശേ​ഷം മാത്രം ഇ​നി ഷൈ​ന്‍ ടോം ​ചാ​ക്കോ​യെ വി​ളി​പ്പി​ച്ചാ​ൽ മ​തി​യെ​ന്നാ​ണ്​ അ​ന്വേ​ഷ​ണ സം​ഘ​ത്തി​ന്‍റെ വി​ല​യി​രു​ത്ത​ൽ. ഷൈ​നെ എ​പ്പോ​ൾ ചോ​ദ്യം​ചെ​യ്യ​ണ​മെ​ന്ന കാ​ര്യ​ത്തി​ൽ യോ​ഗ​ത്തി​ന് ശേ​ഷ​മാ​യി​രി​ക്കും തീ​രു​മാ​ന​മെ​ടു​ക്കു​ക.