ജപ്തി നടപടിയിൽ വീട് നഷ്ട്ടപെട്ട കുടുംബത്തിന് സഹായവുമായി അദർസ സിസ്റ്റംസ് പ്രൈവറ്റ് ലിമിറ്റഡ്.
ആലപ്പുഴ: ആലപ്പുഴയിൽ ജപ്തി നടപടിയെ തുടർന്ന് പെരുവഴിയിലായ കുടുംബത്തിന് സഹായവുമായി തൃശ്ശൂരിലെ സ്വകാര്യ കമ്പനി രംഗത്ത്. തൃശ്ശൂർ ആസ്ഥാനമായി പ്രവർത്തിക്കുന്ന അദർസ സിസ്റ്റംസ് പ്രൈവറ്റ് ലിമിറ്റഡാണ് സഹായം അറിയിച്ചത്.ബാധ്യത തീർത്തു നൽകുമെന്ന് കമ്പനി എംഡി കുടുംബത്തെ അറിയിച്ചു .
ജപ്തി നടപടി നേരിട്ട കുടുംബം കഴിഞ്ഞ ഒരാഴ്ചയായി ജീവിതം തള്ളി നീക്കിയത് വീടിന് പുറത്തായിരുന്നു. 2021ലാണ് മണപ്പുറം ഫിനാൻസിൽ നിന്ന് ഇവർ വീട് നിർമ്മാണത്തിന് വേണ്ടി ലോണെടുത്തത് . മറ്റ് ചില സാമ്പത്തിക ബുദ്ധിമുട്ടുകൾ കടന്ന് കൂടിയതോടെ 11 മാസത്തെ ലോൺ അടവ് മുടങ്ങുകയും പലിശയടക്കം ഇവർക്ക് തിരിച്ചടയ്ക്കാൻ സാധിക്കാതെ വരികയുമായിരുന്നു.
