കോഴിക്കോട് മെഡിക്കല് കോളേജിൽ ചികിത്സയിലായിരുന്ന യുവാവ് ആത്മഹത്യ ചെയ്തു

കോഴിക്കോട്: മെഡിക്കല് കോളേജ് ആശുപത്രിയില് ചികിത്സയിലായിരുന്ന യുവാവ് ആത്മഹത്യ ചെയ്തു. സംഭവത്തിൽ കണ്ണൂര് തലശ്ശേരി സ്വദേശി വൈദ്യരെ വീട്ടില് അസ്കര് ആണ് മരിച്ചത്. ഇന്ന് പുലര്ച്ചെ ഒരുമണിയോടെയാണ് സംഭവം നടന്നത്. ആശുപത്രിയുടെ മുകള് നിലയില് നിന്ന് താഴേക്ക് ചാടിയാണ് അസ്കര് ആത്മഹത്യ ചെയ്തത്. പാന്ക്രിയാസുമായി ബന്ധപ്പെട്ട അസുഖത്തെ തുടര്ന്ന് രണ്ട് ദിവസം മുന്പാണ് അസ്കറിനെ മെഡിക്കല് കോളേജ് ആശുപത്രിയില് പ്രവേശിപ്പിച്ചത് എന്നാണ് വിവരം.
ഇയാള് മുപ്പത്തിയൊന്നാം വാര്ഡിലെത്തി ജനല് വഴി പുറത്തേക്ക് ചാടുകയായിരുന്നു ദൃക്സാക്ഷികള് പറഞ്ഞു. അപകടം നടന്ന ഉടന് തന്നെ സെക്യൂരിറ്റി ജീവനക്കാര് യുവാവിനെ അത്യാഹിത വിഭാഗത്തില് പ്രവേശിപ്പിച്ചുവെങ്കിലും മരിച്ചു. സംഭവത്തിൽ മെഡിക്കല് കോളേജ് പോലീസ് കേസെടുത്ത് അന്വഷണം ആരംഭിച്ചു.